July 30, 2013 near Cairo
من المواضيع المعقدة جدا عند الموظفين .. موضوع عايزين نلم فلوس لفلان الموضوع بيبتدي بالجواز و المرض و الولادة وصولا للحج و العمرة و النجاح في الدراسة و بيدخل فيه برضه استلطاف فلان لفلان او انه ده دفعله و ده مدفعش
برغم ان الفلولي كان اشترك في الدفع لزميلتين ولادهم نجحوا في ثانوية عامة الا انه لما قالوا هنلم علشان ابن فلانة خد بكالريوس تجارة قال مش هادفع
الفلولي : اصل المفروض اننا ندفع في الشهادات بس
الموظفين : ما هي دي شهادة ده بكالريوس
الفلولي : لاء اصل الثانوية عامة شهادة لكن ما دام دخل الجامعة كده كده هيتخرج و بعدين البكالريوس ده ملوش فايدة ماهو هياخده و يقعد في البيت
*معلومة الفلولي حاصل علي بكالريوس تجارة
ليست هناك تعليقات:
إرسال تعليق