الجمعة، 30 أكتوبر 2015

مصر اشترت قنبلة نووية

2013 April 8 ·

الموظف الصعيدي : ده بيقولوا مصر هتحارب ايران ..ده بعد ما ايران خصبت اليورانيوم مصر بعتت وفد لباكستان امبارح علشان يشتري قنبلة نووية

 فى : الجمعة 10 أبريل 2015 - 10:04 م | آخر تحديث : الجمعة 10 أبريل 2015 - 10:04 م
عاد اليوم إلى أرض الوطن الفريق أول صدقى صبحى، القائد العام للقوات المسلحة وزير الدفاع والإنتاج الحربى، بعد انتهاء زيارته للعاصمه الباكستانية إسلام آباد، حيث أجرى خلال الزيارة العديد من المباحثات المثمرة على صعيد التعاون العسكرى وتبادل الخبرات بين القوات المسلحة لكلا البلدين.

الاثنين، 26 أكتوبر 2015

"اسلام البحيري ..مسيحي؟

April 6 · 2015 ·
بعد اثارة ضجة حول برنامج اسلام البحيري

الموظفة الاخوانية : هو اسلام بحيري مسيحي ؟
الفلولي : ده اسمه اسلام

الموظف الصعيدي : بيقولوا اسمه مينا اصلا

الخميس، 22 أكتوبر 2015

خللي بالكم من الفيس بوك

الخبر 
الخميس, 02 أبريل 2015 17:18
تداول رواد موقع التواصل الاجتماعي "فيس بوك" صورة لموظفة بالشهر العقاري، وهي تقوم "بتقشير" بعض أنواع الخضروات أثناء تواجدها بالعمل.
April 5 · 2015

الموظف البزرميط : خلوا بالكم علشان صوروا موظفة في الشهر العقاري و هي بتقور كوسة و موظفة تانية نايمة و حطوا صورهم علي الفيس بوك

الأربعاء، 14 أكتوبر 2015

الست المصرية و الجحش بتاعها

الموظفين بقوا بيشتروا منتجات من علي المواقع الإلكترونية و بتتوصلهم لحد المكتب كان من ضمن المنتجات دي لاب توب و موبايلات و النهارده العايقة اشترت نضارة شمس من Jumia و جابوها لحد المكتب
-بوسي رجعت لنور الشريف
-أه بعد العيا (المرض) بتاعه

العايقة : هي دي المرأة المصرية وقت الشدة ..تقف جنب الجحش بتاعها

السبت، 10 أكتوبر 2015

داعش و "خوفو" سبب إقالة وزير الداخلية

March 7 · 2015
بعد خبر اقالة وزير الداخلية محمد ابراهيم

الفلولي :كان لازم يتشال انتي عارفه داعش بعد ما كسروا التماثيل في العراق قالوا هنكسر خوفو ... هو فيه تمثال ل خوفو في مصر ؟
العايقة : لاء

الفلولي : اتحرقت قاعة خوفو بعدها اللي في قاعة المؤتمرات ..شوفتي الشفرة .. فين رجالتك اللي بيفكوا الشفرة يا بيه فين بتوع المباحث ؟ ده هو المفروض كان يمشي بعد المؤتمر الاقتصادي بس اللي حصل ده خلاه لازم يمشي

الجمعة، 9 أكتوبر 2015

قتلوا الكلب ..ولاد الكلب

2015 March 7 ·
قالوا اليوم في
العايقة : مليش انا في جو مدارس الأحد ده
****
الفلولي : ده انا جاي من جنب الاقفاص
***
معلومة : العايقة مسيحية و الفلولي من روض الفرج

2015 March 3 ·

الموظف الصعيدي : شوفتوا الحادثة بتاعة الكلب صاحب الكلب اتخانق مع الجزار فالجزار اشترط انه هو و صبيانه يموتوا الكلب فموتوه بالسكاكين ..ولاد الكلب


ألقت أجهزة الأمن بالقليوبية القبض على المتهمين فى واقعة تعذيب كلب بشبرا الخيمة وقتله فى الشارع مما أثار حفيظة المواطنين بالشارع وأخطرت النيابة فتولت التحقيق.

الخبر 
" وكان المقدم حسن مكاوى معاون الضبط بقسم اول شبرا الخيمة قد تلقى بلاغا من محمد حمدى محمد يتضرر من كل من محمد سيد محمد 21 سنة مالك الكلب ونادر محمد يحيى 32 سنة صديق الأول وذلك لقيامها بترك كلب مملوك للأول بالطريق العام مما تسبب فى إصابة المبلغ وعقره بالخصية وآخر إلا أن المبلغ تنازل عن المحضر وتم الاتفاق بين المبلغ والمشكو فى حقهما على عقد جلسة صلح وتم الاتفاق على أن يتنازل المبلغ عن المحضر شريطة أن يقوم مالك الكلب بتسليمه لهم وذبحه.

وعقب تقديمه للكلب قام المبلغ بالاستعانة بكل من عمرو إبراهيم عطا إبراهيم وشهرته "عمرو الجزار" 28 سنة جزار وأحمد عزت عبد الحميد عبد المعطى 32 سنة وقاموا بتعذيب الكلب وذبحه فى الشارع."

الثلاثاء، 6 أكتوبر 2015

المتحدث العسكري هو اللي أعدم المصريين في ليبيا !




الموظف المفتي : اللي بيقطع الروس (الرؤوس) في داعش ده كان المتحدث العسكري أيام مرسي.. فيه موقع بتاع المخابرات جاب صورة الساعة و الحواجب

بث تنظيم "الدولة الإسلامية" تسجيلا مصورا الأحد 15 فبراير/ شباط يظهر إعدام 21 قبطيا مصريا على ساحل العاصمة الليبية طرابلس.
وعرض التنظيم، في التسجيل الجديد، جريمة إعدام العمال المصريين بتقنيات وإخراج عالي الجودة، وظهر في التسجيل عملية قطع رؤوس الضحايا المصريين بطريقة بشعة 

السبت، 3 أكتوبر 2015

داعش من صنع اسرائيل ..و الدليل وزير الدفاع بتاعهم

February 26 · Cairo · 2015 ·
الفلولي : عموما لو مأجلوش الانتخابات بتاعة مجلس الشعب ..انا هادي صوتي للجبهة المصرية بتاعة احمد شفيق !

February 18 · Cairo · 2015

الفلولي : امبارح وزير الدفاع الاسرائيلي كان في الجولان قالوله هنا داعش و جبهة النصرة قالهم دي متقلقش .. الكلام ده جه ع التليفزيون ..معناه ان داعش هما اللي عاملينها ..أمريكا و اسرائيل

الخميس، 1 أكتوبر 2015

السيسي صفر في الاقتصاد بس مصر هتنافس اوروبا

2015 February 17 · Cairo ·
الفلولي اللي من أسبوع مؤيدين السيسي في المكتب كانوا بيتخانقوا معاه عشان بينتقده
الفلولي: دلوقتي بنجيب سلاح من فرنسا و بنعمل مشروع القناة و مليون فدان و مصانع . .مصر خلال سنتين هتعدي دول في اوروبا

February 10 · Cairo · 2015

الفلولي : اه احنا لازم نصبر عليه (السيسي ) بس منبقاش مطبلاتيه .. بصي هو في السياسة و الاقتصاد ..صفر سوق سودا في الدولار ..ده فيه ناس رجعت عرابين بضاعة كانوا متفقين عليها

Facebook Comments