Wednesday, March 8, 2017

فاتورة كهربا ب ثلاثة آلاف جنيه


الموظفة الخائفة من شيء ما : يرجعولنا بقي مرتباتنا بالزيادة 10 % علي القانون القديم ..قال مش عايزين يدونا الزيادة علشان يوفروا للدولة فلوس
أم الفلول : ما هي الفلوس دي علشان يعملوا بيها المشاريع
الفلولي : يعني هما ملقوش غير الموظف الغلبان ياخدوا منه ؟

العايقة : ما هم الوزرا دول مش حاسين بحاجة بياكلوا و يشربوا و ياخدوا فلوس علي حساب الحكومة


العايقة النهارده جايه و مش طايقة نفسها ..علشان جاتلها فاتورة الكهربا ب 3000 جنيه ثلاثة آلالف ..طلع ان العداد عندهم فيه مشكلة في القراية بقالها سنين و كانوا ممكن يدفعوا في شهر 6 جنيه مثلا و جالهم ناس تفتش تشوفوهم سارقين كهربا ولا ايه و جوزها راح الشركة قال ان عنده مشكلة و محدش استجاب ..لحد ما جات الفاتورة دي و الراجل بيقولهم لسه فيه 1500 كمان جايين ..و بالعافية قبلوا انهم يدفعوا 1500 و يقسطوا النص التاني

Friday, February 3, 2017

سبب تدهور المنتخب القومي

January 17, 2016 · Cairo·
تدخل واحدة المكتب تسلم علي العايقة بحرارة و تبوسها ..
أول ما تخرج
الفلولي (بضحك ): ايه ده أول مرة واحدة ست تسلم عليكي.. كل اللي بييجوا بيبقوا رجالة
العايقة : اومال لو شفت و انا مروحة قاعدين يسلموا عليا و انا حتي مش فاكرة مين دول

الفلولي : حرام عليكي ده انتي سبب تدهور المنتخب القومي (افيه فيلم غريب في بيتي "

Thursday, January 12, 2017

قامت راقعة بالصوت في الكنيسة




أم الفلول للعايقة : في الشركة اللي كنت شغالة فيها..المدير مات و رحنا كلنا الكنيسة ووسط ما بيصلوا عليه واحدة معانا بتشتغل زي الساعي اللي عندنا كده ..قامت راقعة بالصوت ..بقينا في نص هدومنا مش عارفين نعمل ايه

Thursday, January 5, 2017

العلاج بالنيون و السكر



أم الفلول : و بنتك عاملة ايه (مولودة حديثا)
الموظف المفتي : الصفرا زيادة عندها

أم الفلول : شغلها اللمبة النيون و اديها ميه بسكر هتبقي كويسة

Thursday, November 24, 2016

لماذا قامت الموظفة بتهريب ..الوزة ؟

التابع للفلول : ايه الموضوع بتاع الوزة ده ؟

الموظفة الصامتة (تبتسم و تحكي ): الناس اللي في العمارة اللي ورانا اللي كانوا قبل كده خلوا الصرف بتاع الحمام عندهم ينزل علي عمارتنا لدرجة ان الصرف اثر علي سلم البيت و لمينا عشرتلاف جنيه علشان نعمل سلم جديد لما يوميها مجيتش الشغل علشان كانوا بيعملوه ..من قريب ابتدوا يربوا طيور علي السطح عندهم وز و بط و فراخ و كل يوم اصوات الطيور دي في الفجر تعمل دوشة و ازعاج غير المخلفات بتاعتها اللي بتنزل ع السلم عندنا ..من كام يوم و انا نازلة بدري علشان الشغل لقيت وزة طارت من عندهم و جات السلم عندنا ..قمت واخداها لحد أول الشارع و سبتها هناك ..جم بعديها يسألوا عليها قولنالهم منعرفش حاجة و ملقوهاش بعدها بيومين وزة تانية برضه عملت فيها نفس الموضوع ..قاموا عملوا سور خشب علشان مفيش حاجة تقع عندنا ..ما كان من الأول

Thursday, November 3, 2016

مجلس شعب بشراء الأصوات


الفلولي: الظاهرة اللي واضحة فعلا المرة دي ظاهرة المال السياسي ..أول يوم عندنا (روض الفرج و الساحل) الصوت وصل 300 جنيه تاني يوم وصل 600 و 700

Facebook Comments