الخميس، 24 نوفمبر 2016

لماذا قامت الموظفة بتهريب ..الوزة ؟

التابع للفلول : ايه الموضوع بتاع الوزة ده ؟

الموظفة الصامتة (تبتسم و تحكي ): الناس اللي في العمارة اللي ورانا اللي كانوا قبل كده خلوا الصرف بتاع الحمام عندهم ينزل علي عمارتنا لدرجة ان الصرف اثر علي سلم البيت و لمينا عشرتلاف جنيه علشان نعمل سلم جديد لما يوميها مجيتش الشغل علشان كانوا بيعملوه ..من قريب ابتدوا يربوا طيور علي السطح عندهم وز و بط و فراخ و كل يوم اصوات الطيور دي في الفجر تعمل دوشة و ازعاج غير المخلفات بتاعتها اللي بتنزل ع السلم عندنا ..من كام يوم و انا نازلة بدري علشان الشغل لقيت وزة طارت من عندهم و جات السلم عندنا ..قمت واخداها لحد أول الشارع و سبتها هناك ..جم بعديها يسألوا عليها قولنالهم منعرفش حاجة و ملقوهاش بعدها بيومين وزة تانية برضه عملت فيها نفس الموضوع ..قاموا عملوا سور خشب علشان مفيش حاجة تقع عندنا ..ما كان من الأول

ليست هناك تعليقات:

إرسال تعليق

Facebook Comments