واحد عايز يبوس في نهار رمضان ..و التاني بيتفرج بس مدكن

July 29, 2012 near Cairo

الموظفة الثورية : هو مسلسل الزوجة الرابعة بييجي امتي؟

ام الفلول : ده بييجي علي طول في كل القنوات

الفلولي : بس مينفعش يجييوا مسلسل زي كده في رمضان

ام الفلول : خلاص احنا هنتفرج و انت انزل صلي التراويح

موظفة : طلقها امبارح

الفلولي :طلق البت ؟

ام الفلول : مانت بتتفرج اهو

July 28, 2012 near Cairo

بعد ما واحدة سلمت علي العايقة و باستها علشان رجعت من المصيف

البزرميط : معنديش مشكلة ابوس ( و عدة من ايام اخر) او اطعام مسكين .. و شاور علي التابع للفلول .. اهو

حمام سباحة محمد مرسي ب12 مليون جنيه ..و الموظفة الامبراطورة

July 28, 2012 near Cairo

العايقة : كنت باصيف و كان معانا اهل جوزي كانوا مسمينني الامبراطورة .. الامبراطورة راحت الامبراطورة جت 

July 25, 2012 near Cairo

الموظف الصعيدي : ده حمام السباحة اللي هيعمله مرسي في القصر هيتكلف 12 مليون

جنيه .. ده كمان جايب مدربين خيول عالميين لولاده الاتنين علشان يركبوا الحصانين اللي كان بيركبهم جمال و علاء

يعني ضد عبد الناصر و بوهيمي و ايه كمان ..اعترف

 24, 2012 near Cairo

بعد مديح مطول من الموظف الصعيدي لعبد الناصر

الموظف الصعيدي : و انت بقي من اللي هما ضد عبد الناصر

أبو نضارة  يبتسم

الصعيدي : انت ضد عبد الناصر و السادات و كل الناس مش فاهملك انت مع مين

الموظف المفتي : يا عم ده بوهيمي 

الصعيدي : بهائي ؟ 

صورة علاء عبد الفتاح وهو ماسك مدفع .. و الموظفة كانت بتعط

July 23, 2012 near Cairo

موظفة : كنتي فين جيتي متأخر ؟

العايقة : كنت باعط 

......................

الصعيدي : ده لو خيرت الشاطر مسك رئيس وزرا هيبقي اغني رجل في العالم زي بيل جيتس

.....................

الفلولي : الجيش هيلم الناس دي بس لسه مش دلوقتي .. ده الواحد يبقي متصور ماسك 

مدفع علي دبابه و يقولك طلعوه زي علاء عبد الفتاح كده

الاخوان قتلوا عمر سليمان في أمريكا ..و قصر الظواهري في القاهرة

July 21, 2012 near Cairo

 الموظف صديق الفلولي ده بيعتبر الفلولي مثله الاعلي بس هو مش معانا في المكتب فبيظهر قليل يعني النهارده كان بيقنع الفلولي انه الاخوان قتلوا عمر سلميان في امريكا و الفلولي يقوله لاء مش للدرجة دي 

صديق الفلولي : اصل بتوع الجماعة الاسلامية دول معاهم فلوس كتيرة قوي ده ابن ايمن الظواهري جاب منين فلوس عنده قصر في التجمع الخامس و اسمه قصر منيف 

السعوديين بيناموا مع المعيز في الجبال ..وايه يعني ؟

July 18, 2012 near Cairo

الموظف التابع للفلول : يعني مش حرام يزودوا القضاة بالالفات و احنا ميدوناش حاجه

ام الفلول : اصل القاضي او وكيل النيابة ميقدرش يشتغل بعد الضهر لكن الموظف ممكن يشتغل 

July 18, 2012 near Cairo

الموظف الفلولي : ده حتي السعودية مبتطبقش الشريعة الاسلامية .. انا مش عايز اقول بيعملوا ايه في الجبال علشان في ستات قاعدين

ام العريف : لاء قول مفيش مشكلة

الفلولي : بيناموا مع المعيز

ام العريف : و ايه يعني ؟ 

مستشارين من قطر لمرسي ..و البدو الخونة .

July 18, 2012 near Cairo
العايقه : ده واحد امبارح في التليفزيون بيسأل هو مين المستشاريين القانونيين بتوع مرسي اللي بيقولوله علي الحاجات دي

ام العريف : جايب اتنين مستشارين من قطر 

July 17, 2012 near Cairo
الموظف المفتي : شفت القلم ده انا لقيته في الشارع

التابع للفلول : و ما خفتش انك تاخده؟

المفتي : هاخاف ليه ؟

العايقه : كان زمان ممكن الحاجات دي تنفجر

التابع للفلول : و لسه دلوقتي برضه ممكن 
July 14, 2012 near Cairo
ام الفلول : دول هيملكوا اراضي سينا للبدو و البدو هيتنازلوا عن الجنسية المصرية و ياخدوا الجنسية الاسرائيلية 

الدستور ده هيسمح بديانات مش سماوية زي الوهابية

July 14, 2012 near Cairo
ام الفلول : قال بيقولوا الدستور ينص علي حرية الاعتقاد و ان الدولة توفر اماكن عبادة للديانات التلاته .. يعني اليهود كمان

الفلولي : ماهو ده اتفاقهم مع امريكا .. و لسه بعد شوية هيبقي فيه قاعدة امريكية في مصر—

July 12, 2012 near Cairo

ام العريف: ماهما عايزين يغيروا المادة التانية علشان يدخلوا ناس تانيه زي ايران

التابع للفلول : و ديانات اخري مش سماوية بس .. يدخلوا الوهابية —

هتخشي النار ..احنا فين و النار فين ؟

July 11, 2012 near Cairo

علي لسان المديرة

المديرة : لاء ماينفعشي تلبسي قصير

حفيدتها (8 سنين تقريبا): ماهو البنات كلهم لابسين كده

المديرة : ماهما ربنا هيدخلهم النار علشان كده

حفيدتها : ماهو هيدخلهم النار لما يكبروا بقي

نبوءة "الانكلاب العسكري "

July 11, 2012 near Cairo

 " ام العريف : انا حاسه كده انه الجيش هيعمل "انكلاب

......

ام الفلول : و هما عايزين يغيروا كلمة مباديء الشريعه الاسلاميه اللي في الدستور ليه .. علشان يدخل المذهب الشيعي في مصر 

أمريكا تخابرت مع مرسي و هددت شفيق بالقتل و عاوزه تقسم مصر

July 9, 2012 near Cairo

ام الفلول : و هو مرسي كانوا قابضين عليه ليه يوم 28 يناير علشان قضية تخابر مع امريكا 

July 9, 2012 near Cairo

الصعيدية : شفيق كان ناجح بس امريكا اتدخلت و هددوه بالقتل

July 9, 2012 near Cairo

ام الفلول : و هي امريكا قلبت علي مبارك ليه؟

الصعيدي : علشان مكانش معاها

 ام الفلول : علشان كان ضد مخططها بتاع تقسيم مصر

ما تيجي يا جميل نعمل وحدة وطنية و نبوس بعض

July 9, 2012 near Cairo
الفلولي :ماهو المجلس العسكري سلم البلد للاخوان لانه خايف من الدم اللي ممكن يسيل


ام الفلول : ماهو كده كده دم يبقي تبتدي دم من الاول 


July 9, 2012 near Cairo


ام العريف : محدش موافق علي رجوع البرلمان غير الاخوان و السلفيين .. و 6 ابريل ماهما واخدين فلوس منهم 


July 7, 2012 near Cairo



الفلولي : عايزين نعمل وحده وطنيه بقي

العايقه : ايه ... نبوس مع بعض ؟ —

قصة رعب من مقابر روض الفرج

July 5, 2012 near Cairo

قصة  قصيرة من قصص الرعب  من قصص الفلولي من روض الفرج تنتمي لاجواء ادجار الان بو

الفلولي : فيه واحد بقي في المنطقة جلد جفونه كبير قوي نازل علي وشه مخبيه متقدرش تشوف وشه ..لانه ده كان نزل القبر كان عايز يشوف الملايكه و هي بتحاسب الناس 

ام الفلول : اه اسمع عنه 

ضبة بتاع السمين .. اللي سب الدين لامام الجامع في رمضان

July 5, 2012 near Cairo

قصتان قصيرتان من الموظف الفلولي في اجواء روض الفرج

قصة 1

كان عندنا واحد زمان الله يرحمه بقي كان اسمه ضبة بتاع السمين .. كان تخين قوي و كان عمره ما ركعها .. مع انه كان كبير في السن .. و بعدين مرة قالوله انت كبرت ولازم تصلي .. راح معاهم الجامع علشان يصلي العشا و كانوا في رمضان .. قام الامام لضم التروايح مع العشا .. و ضبه ده قاعد طالع نازل .. قام بعد ما الصلاة خلصت ..وقف في الجامع و مزعق للامام .. يلعن دين اللي يجيلك تاني يا اخي 

الجهاد الديموقراطي و طماطم بالحموضة

July 5, 2012 near Cairo

العايقه : الاخوان هما اللي موتوا الولد بتاع السويس ده

ام الفلول : لاء دول السلفيين اصل فيه جماعات كتير .. ده فيه جماعه منهم اسمها الجهاد الديموقراطي —
July 3, 2012 near Cairo

موظفه : بيقولوا ان شفيق هيعمل حزب جديد لما يرجع

الفلولي :هو عنده 71 سنه و الفيلم ده علي بال ما يخلص هيكون عنده 75 سنه .. اصل ده فيلم اللي عاملاه المخابرات 

July 1, 2012 near Cairo


ام العريف : انا شفت في التليفزيون ان الطماطم مفيدة للوش بتقطعيها شرايح زي الخيار دي كلها املاح و حموضة — 

لو اشتريت بارفان البنت هتبوسك .. و عاملين عروض و تخفيضات علي السلاح ؟

June 30, 2012 near Cairo

ام العريف : امبارح كانوا بيوزعوا عندنا كوكا كولا ببلاش

الصعيدي :ايوه دي اسمها حملة دعاية ..من اسبوع كده عند نادي هليوبلس كان فيه بنات بتبيع بارفانات و كان اللي بيشتري بيبوسوه .. الكميه خلصت في نص ساعه

ام العريف : و عرفت ازاي ؟

الصعيدي : سمعت

June 29, 2012 near Cairo

ام العريف : امبارح اتصل بيا واحد اعرفه من مرسي مطروح .. هو بيروح ليبيا كتير .. قالي مش عايزه حاجه .. عايزة سلاح اجيبلك

الصعيديه : اه انا عايزة .. هاتيلي ورقة بالانواع و الاسعار

ام العريف: بتهزري ؟

الصعيديه : لاء باتكلم جد —

ايه الهبل ده واحد حلم ان الرسول قال ان مرسي هيبقي الريس ..اقولكم انا بقي علي الحلم بتاعي

June 26, 2012 near Cairo

ام العيال : شفتي في الجرنال واحد بيقول انه حلم ان الرسول جاله و قاله ان مرسي هيبقي الريس

ام العريف : ده اي كلام .. انا بقي اللي كنت حلمت انه المطار بقي بيتوضب و حلو قوي .. و ده معناه ان شفيق هيكسب و هو كسب فعلا بس دي حاجه سياسيه 

June 26, 2012 near Cairo

الموظفة الثورية : شفتوا توفيق عكاشه امبارح ده اتجنن .. بيشتم في الجيش و في المشير

ام الفلول : هو شتم المجلس العسكري مش الجيش

الموظف الصعيدي : وهو المشير انزل (بالضمه علي الالف و كسرة علي الزين) يعني ؟

رجع الانابيب اللي انت خدتها يا مرسي

June 26, 2012 near Cairo

الفلولي : المجلس العسكري اجتمع مع شفيق قبل النتيجه و قاله معلش هنعلن انك خسران .. النتيجه اتغيرت الساعة 2 و نص .. المجلس العسكري خاف من الاخوان .. شفت مسكوا 3 قنابل عند واحد سني في طوخ .. دول كانوا ناويين يفجروا الكنايس لو مرسي خسر—


June 25, 2012 near Cairo

ام العريف في الموبايل مخاطبة ابنها المؤيد لمرسي :مش هاجيبلك الجرنال ما الجرايد مرميه علي الرصيف محدش بيجيبها .. ماهو موجود في كل حته (مرسي) مش هادخله بيتي كمان
June 25, 2012 near Cairo
ام العريف : اه دلوقتي بقي مرسي هيرجع البنزين بعد ما اخد الانابيب و اخد البنزين علشان يبين الرخاء

امريكا نجحت مرسي علشان ولاده في الجيش الامريكي

June 25, 2012 near Cairo
الموظف الصعيدي : و الله لو حصل حرب انا مليش دعوه .. عايز الصراحه انا عايز البلد دي تخرب —

June 25, 2012 near Cairo

ام العريف : حماس فرحانين قوي بفوز الاخوان اصل حماس المعتقل بتاعهم هناك .. (قصدها معقلهم) —


June 24, 2012 near Cairo

الموظفه الصعيديه : شكلهم هينجحوا شفيق

الفلولي : ان شاء الله

الصعيديه : امريكا عايزه مرسي اصل ولاده في الجيش الامريكي

الفلولي : لاء هما يخشوا السنه الجايه

يا ريت كل واحد فينا يخلف 5 عيال

June 24, 2012 near Cairo

الموظف المفتي : ولو مرسي كسب اللي هيحكمك

 المرشد .. مش المرشد بتاع مصر لاء بتاع امريكا —

June 24, 2012 near Cairo

ام العريف : ده مرسي بيقولك هيعين احمد ماهر بتاع 6

 ابريل وزير اقتصاد يفهم ايه ده في الاقتصاد

الموظف البزرميط : لا ء يفهم ده عنده في حسابه  عشرين

 مليار 

دولار  

 

         

June 24, 2012 near Cairo

بعد وصلة من الشكوي من العيال و عددهم و همومهم يبدأ 

الموظفون في التعاطف مع أم العيال و تطييب خاطرها 

وصولا الي

الموظف المفتي ل ام العيال :عايز اقولك يا ريت انا كان

 عندي ال 5 عيال دول  

لو المشير طنطاوي اعدم الشعب كله يبقي معاه حق

June 23, 2012 near Cairo

ام الفلول : دول شتموا المشير شتيمه امبارح في التحرير .. لو المشير ده اعدم الشعب كله يبقي معاه حق —

June 23, 2012 near Cairo
العايقه : ايه اللي يخلي حمدي قنديل يطلع امبارح مع مرسي مش فاهمه

الفلولي : واعدينه يبقي وزير اعلام

June 23, 2012 near Cairo

العايقة : وائل غنيم ده عايز مننا ايه .. و مادام هو عميل سايبينه ليه؟

الفلولي : ده مراته امريكيه يهوديه ..و كانوا عايزين يعملها (ثورة يعني) في الامارات — with

اللي ماتوا في بورسعيد دول عيال صايعة موتوا نفسهم ..و الشعب المصري جاهل

June 21, 2012 near Cairo

اول ما مرسي يكسب هيخلي محافظة شمال سينا دي 

للفلسطنيين

- اه دي الخطة اللي عاملها مع حماس

- و مع امريكا

- و قطر

- و اسرائيل

ابداع جماعي مشترك لام العريف و الموظف الصعيدي و ام الفلول و اخرين

June 19, 2012 near Cairo

ام الفلول : مفيش حاجه اسمها شهدا

موظف : طب و اللي ماتوا في بورسعيد ؟

ام الفلول : دول عيال صايعه و هما اللي موتوا نفسهم

June 19, 2012 near Cairo

ام العريف : شفتوا خدوا من مرسي العربيه المصفحة اللي كانت

معاه و 12 عربيه كانوا لولاده

June 19, 2012 near Cairo

الموظف الصعيدي (المؤيد لشفيق) تعليقا علي تقدم مرسي :ده 

شعب جاهل ميعرفش مصلحته فين

و اتفرجنا علي قميص النوم في المكتب ..و شفيق بيضحك علي المسيحين بالانجيل

June 14, 2012 near Cairo

الموظفة الثورية و هي بتقرا رسالة الموبايل : الحكم علي ابن علي في تونس 20 عاما .. مين ابن علي ده ؟

June 14, 2012 near Cairo

بعد ما مشيت بائعة الملابس

العايقه : هو انتي جبتي قميص النوم اللي بحمالات

الثورية : اه

العايقه : وريني كده

بعد ما وريتها فدامنا عادي

العايقه : هو ماله كبير كده هو ليكي انتي و جوزك ؟

June 12, 2012 near Cairo

موظف : انتوا ازاي تنتخبوا شفيق ده قال انه هيحذف ايات

القران من العربي او يحط معاها ايات انجيل

ام العريف المؤيدة لشفيق : لاء ما هو بيقولهم كده بس علشان

ياخد الاصوات مش هيعمل حاجه —

العايقة :اوديهم فين ؟ ..يا افندم شوف بيسحرولي في المكتب

June 11, 2012 near Cairo
الموظفة الثورية : جالي رساله علي الموبايل عن اب سمم ولاده الاربعه

العايقه : مش كان لسه فيه واحد برضه قريب موت بناته دبحهم باين ؟

الصعيديه : لا مدبحهمش ده جابلهم تعبان و حطلهم في الاوضه .. جابلهم كوبرا

June 11, 2012 near Cairo

موظفه بتقول للعايقه : انتي كنتي طالعه من الحمام و بتقولي ايه الحر ده .. اوديهم فين ؟

June 11, 2012 near Cairo

الموظفة : النهارده و انا باصرف الفلوس قابلت واحد كان زميلنا زمان .. كان واقف عند المكنه بيسألني و هو مستغرب بيقي انا احط الكارت ده المكنه تطلع فلوس؟؟ .. انا فاكره لما كان معانا و كانت واحده زميلتنا تدلق ميه في المكتب يقول دي بتعملي عمل .. و مره كان معدي الريس بتاع المكان قام محرك مكتبه و قاله شايف حضرتك ؟ بيدلقولي ميه 

الاخوان بيدفنوا الانابيب ..و مزة اللي من قطر بتدفع

الموظف الفلولي : لو بتقروا القران تعرفوا ان محدش بيموت عيان .. الواحد بيشفي من كل الامراض الاول و بعدين يموت 

June 7, 2012 near Cairo

ام العريف : قطر هي اللي ورا الناس دي كلها ده السواق اللي من قطر بيدخل مصر من قاعة كبار الزوار

..........

ايوه هي قطر اللي بتدفع مش فيه واحده هناك اسمها مزه 

June 7, 2012 near Cairo

الموظف الفلولي : امبارح واحده اتصلت و قالت انها لما كانت عايزه انبوبه اتصل بيها ناس من الاخوان و جابولها انبوبه .. هما اللي ورا الازمات دي ..عندهم مخازن في الترب و بيجيبوا منها الانابيب علشان يكسبوا الناس

الدعارة هتبقي جوه البيوت .. و دبان ضرير ..و تعاطف مع مبارك

June 4, 2012 near Cairo

الموظف الفلولي : ده مبارك معملش اي رد فعل .. انا لو ماتعاطفتش معاه مابقاش مسلم

June 4, 2012 near Cairo

ام العريف : اصل الدبان عاجز مبشوفش يعني دي انا سمعتها من دكتور بيطري

June 1, 2012 near Cairo

موظف ساكن في الهرم قائلا ما بين الجد و الهزل: ده الاخوان لو مسكوا هيقفلوا الاماكن اللي في شارع الهرم

ام العريف (بشكل جاد) : ده كده الدعاره هتبقي جوه البيوت

مشهد محاكمة مبارك حصريا من داخل المكتب

June 2, 2012

حصريا

المشهد من داخل المكتب

الراديو و تليفزيون في موبايل مفتوحين علي المحاكمه و الموظف التابع للفلول بيشتم مبارك و حاشيته

ثم بدأت المقدمه العصماء لاحمد رفعت .. استشف منها الموظف الفلولي ان الحكم هيبقي ضد مبارك .. قام وقف و خد المفاتيح و النضاره قائلا : لاء انا ماقدرش استحمل .. حتي في التجاره لما تاجر كبير بيقع مش بحب اشوفه كده حتي لو كان فاسد

ثم مع النطق بالحكم

كان فيه موظفه من بره المكتب بتزغرط و العايقه حاطه ايدها علي راسها حزنا

مرسي بيغازل الاقباط و نهايته هتبقي زي مبارك ..و بيقول علي الشعب المصري زباله

May 30, 2012 near Cairo

ام العريف : مرسي دلوقتي بيلعب علي الاقباط .. عايز يعمل زي حسني كان بيعامل الاقباط احسن منا و نهايته كانت ايه .. بس هما المفروض يعرفوا اننا عمرنا ماهنحبهم ولا عمرهم هيحبونا


May 30, 2012 near Cairo

ام العريف : شفتوا مرسي بيقول ان احنا زباله بيقول اللي انتخبوا شفيق زباله و بيقول الشعب لازم يتحط في الزباله

أحمد شفيق مسيحي ..و ليلي مراد ماتت في اسرائيل ..و وائل غنيم بتاع السكس و مرسي

1. May 30, 2012 near Cairo

   ام العريف : بتاعة الفجل حكيتلي ان الاخوان قالولها ان "احمد
   
    شفيق " مسيحي و علمي علي اخر واحد في الكشف 
   
   
2. May 30, 2012 near Cairo

   العايقه مفسره لحرق مقر شفيق : اصل محمد مرسي صوروه 
   
   وهو بيقابل رئيس مخابرات قطر و ادوا الفيديو لشفيق فهما مش 
   
   عايزين الفيديو ده يبقي موجود 
   
3. 
   

   May 30, 2012 near Cairo

   الموظف المفتي : ليلي مراد ماتت في اسرائيل 
4. May 30, 2012 near Cairo

   الموظف الفلولي : فيه حاجات غريبه .. ده وائل غنيم بتاع النت 
   
   و السكس بيؤيد مرسي ..
   
   
   

حمدين صباحي من الحزب الوطني..و ربنا اللي عمل الثورة ..و التعذيب مفيد

May 29, 2012 near Cairo
الموظف الصعيدي (مؤيد لشفيق) : انتوا عارفين مين اللي عمل الثورة ؟
التابع للفلول : الشباب؟
الصعيدي : لاء


الموظفة الثورية بسخرية : شفيق ؟


الصعيدي : لاء ربنا .. و علشان كده اكيد ربنا هيجيب حد كويس لمصر 
1. 
   
May 29, 2012 near Cairo


الموظفه الثوريه : هو يسجن بتوع الجماعات اللي بتعمل تفجيرات اه بس يعذبهم لاء 


الموظفه ام الفلول : ماهو لازم يعمل كده علشان يعترف


الموظف التابع للفلول :ماهو علشان يجيب اللي وراه اللي قاعد بره و بيجند غيره


May 29, 2012 near Cairo




ام العريف : ماهو حمدين صباحي من الفلول كان في مجلس الشعب دورتين ورا بعض و كان في الحزب الوطني




 

شفيق صاحب كرامات ..و الاخوان بيضربوا الناس بالكرابيج .. و العايقة بتصلح جزمتها علي المكتب

May 28, 2012 near Cairo

ام العريف (اللي ادت شفيق صوتها طبعا) : انا جوزي كان رايح علشان يدي عمرو موسي و قالي بصيت لقيت نفسي باعلم علي السلم سبحان الله

ام العريف : مش هندي الاخوان دول كانوا بيضربوا الناس في الجامعه علي ايامي بالكرابيج—

May 27, 2012 near Cairo

لو كان صادفك الحظ في لحظه معينه و دخلت المكتب عندنا كنت هتلاقي الموظفه العايقة ماسكه زلطه كبيره بتدق بيها مسمار في جزمتها فوق المكتب

يا مدندش يا قميص النوم يا مقور يا كوميليزون .. في المكتب

May 24, 2012 near Cairo

الموظف التابع للفلول مفسرا رخامته في التعامل مع الاخرين في الشغل : اصل هو ده 

الصح انا ابويا ظابط جيش و رباني علي كده
 
May 22, 2012 near Cairo

الموظف الفلولي : فلوس الدعايه بتاعة مرسي دي كانت تكفي سداد ديون مصر

ام العيال: المصررين كانوا بيدوهم5 ريال في السعوديه و ينتخبوا مرسي 

 

May 21, 2012 near Cairo

العايقه : يا مندنش يا قميص النوم يا مقور يا كومبيليزون

الفلولي : طب انا لو حد كان بيكلمني دلوقتي و سمع ده و حلفتله اني في الشغل مش هيصدق

عهد مبارك كان فيه مميزات و ناس كويسة ..انا كنت اعرف ناظر كويس ..تخيل

1. May 17, 2012 near Cairo

   
   في الشغل عندنا ساعات لما بيبقي حد هيغيب في يوم و عنده 
   
   شغل عايز يتعمل فيكتب مثلا علي كشف معين انه عايز يتراجع 
   
   و يتمضي علشان حد يعمله .. عندنا ولد متعين مع عمته في نفس 
   
   القسم فكان سايبها كشف تعمله و هو غايب و كاتب عليه بالرصاص
   
   عمتو .. ابقي راجعي الكشف ده
2. May 17, 2012 near Cairo

   
   
   الموظف الفلولي : متقولش عصر مبارك مكانش فيه مميزات و 
   
   ناس كويسه .. انا كنت اعرف ناظر كويس جدا ده كان بيوقف
   
    المدرسين طابور 
   
   

المصري في الخليج عبد "للجنيه " الاخوان اشتروه

1. 2. May 16, 2012 near Cairo

      الفلولي : ماهو قطر بتمول ابو الفتوح و مرسي .. 
      
      و شفيق بيموله رجال الاعمال زي ابو العنين و 
      
      
      خالي (عضو مجلس شعب وطني) و ده صح لانه 
      
      لو جه هيقصقصهم
       
2. May 16, 2012 near Cairo

   ام العريف : اخر استطلاع بيقول ان شفيق هياخد 75 في الميه 
3. 
   

   May 16, 2012 near Cairo

   الموظف الفلولي : اصل المصري اللي بره ده بيبقي عبد (للجنيه) 
   .. فيه امراء في السعوديه كانوا بيدوا مصريين 300 ريال 
   
   
   علشان يصوتول لمرسي.. في الكويت بقي واحد خد من الناس 
   
   البطايق و صوت مكانهم لمرسي اصل هما علشان الفلوس مش 
   
   عايزين يسيبوا الشغل و السفاره هناك بتفتح 3 ساعات بس !

من علامات يوم القيامة 40 ست لكل راجل

  

1. 
   May 15, 2012 near Cairo

   الموظف البزرميط : ده هييجي وقت هيبقي قصاد كل راجل فيه 40 ست
   ام العريف : دي من علامات يوم القيامه 
   May 15, 2012 near Cairo
2. الموظف الصعيدي :خلي احمد شفيق ييجي علشان اللي يقف في التحرير يضربه بالنار 
3. May 15, 2012 near Cair

   الموظف الصعيدي: حسين سالم ده ملياردير بيتاجر في السلاح و ياخد سمسمره في الغاز
   ام العريف : اه التجارة حلوة