مشهد محاكمة مبارك حصريا من داخل المكتب

June 2, 2012

حصريا

المشهد من داخل المكتب

الراديو و تليفزيون في موبايل مفتوحين علي المحاكمه و الموظف التابع للفلول بيشتم مبارك و حاشيته

ثم بدأت المقدمه العصماء لاحمد رفعت .. استشف منها الموظف الفلولي ان الحكم هيبقي ضد مبارك .. قام وقف و خد المفاتيح و النضاره قائلا : لاء انا ماقدرش استحمل .. حتي في التجاره لما تاجر كبير بيقع مش بحب اشوفه كده حتي لو كان فاسد

ثم مع النطق بالحكم

كان فيه موظفه من بره المكتب بتزغرط و العايقه حاطه ايدها علي راسها حزنا

حمدين صباحي من الحزب الوطني..و ربنا اللي عمل الثورة ..و التعذيب مفيد

May 29, 2012 near Cairo
الموظف الصعيدي (مؤيد لشفيق) : انتوا عارفين مين اللي عمل الثورة ؟
التابع للفلول : الشباب؟
الصعيدي : لاء


الموظفة الثورية بسخرية : شفيق ؟


الصعيدي : لاء ربنا .. و علشان كده اكيد ربنا هيجيب حد كويس لمصر 
1. 
   
May 29, 2012 near Cairo


الموظفه الثوريه : هو يسجن بتوع الجماعات اللي بتعمل تفجيرات اه بس يعذبهم لاء 


الموظفه ام الفلول : ماهو لازم يعمل كده علشان يعترف


الموظف التابع للفلول :ماهو علشان يجيب اللي وراه اللي قاعد بره و بيجند غيره


May 29, 2012 near Cairo




ام العريف : ماهو حمدين صباحي من الفلول كان في مجلس الشعب دورتين ورا بعض و كان في الحزب الوطني




 

قطر هي اللي ورا تفجيرات الغاز في سينا

April 23, 2012 near Cairo

الموظف الفلولي : هي اصلا اسرائيل هتاخد الغاز من قطر بعد كده

ام العريف : ما هي قطر اللي ورا تفجيرات الغاز علشان يصدروه هما —

April 22, 2012 near Cairo

الموظف الصعيدي اللي مخلف حديثا : انا ولاد اختي طاهرناهم عند حلاق الصحه و بعدين خدناهم لدكتور قام قايل الطهاره دي .. نضيفه جدا 

April 22, 2012 near Cairo

الموظف التابع للفلول : اسرائيل مش عايزة عمر سليمان دول مسمينه الاسد العجوز — 

مسلسل صعيدي عن عمر سليمان و مبارك و القذافي.. و علاقات جنسية كاملة في الخيمة

April 19, 2012 near Cairo

مع حكايه نهاية الاسبوع من الموظفة الصعيديه : لاء عمر سليمان مش كويس ده جوزي حكالي : مبارك و عمر سليمان كانوا بيتاجروا في الاثار و بعدين اكتشفوا مرة اثار في ليبيا ب 100 مليار كان عمر سليمان و مبارك و طبعا داخل معاهم ابن القذافي و كان فيه صحفي مصري كان عايز نسبه من الفلوس ف عمر سليمان مرضاش يديله النسبه بتاعته و اقوله هاعينلك بنتك في مكان كويس و بعدين مادالوش الفلوس و معينش بنته ف الصحفي جاله شلل 

 

April 21, 2012 near Cairo

الموظف الفلولي : شفتوا امبارح الولد و البنت اللي طلعوهم من الخيمة في التحرير 
الموظف التابع للفلول : طبيعي ده بيحصل من اول يوم في الثورة

و ده كان تعليق الموظفين علي وفاة البابا شنودة (1-2) .. احترس محتوي طائفي جدا

 

March 19, 2012 near Cairo

ما بعد وفاة البابا شنوده

الموظف التابع للفلول : ده فيه تلاته ماتوا امبارح بسبب التزاحم

الموظفة الصعيدية : احسن

...........................

المديره : ده كتير اوي اللي عاملينه في القنوات علشان البابا ايه كل الاحتفالات دي .. معملوش كده يعني لشيخ الازهر او للشيخ الشعراوي يعني

....................
الموظف التابع للفلول : طبعا المسيحيين دول مش فاهمين في الاديان .. لانهم لو بيفهموا كانوا اسلموا
.......
الموظف الفلولي  : ليه المسيحيين جبنا و بيخافوا من الموت .. لانهم مزعزعين من جوه عقيدتهم مزعزعه

.........................
بياع بدقن : لما ترد علي مسيحي السلام قوله و عليكم السلام متقولش و رحمة الله .. علشان غلط (علشان الرحمه دي للمسلمين بس)

الداخلية و الحج الحرام

March 15, 2012 near Cairo

الموظف التابع للفلول : امبارح كنت باجيب ابويا و امي من المطار من العمره

الموظف الفلولي : ما تيجي نطلع السنة الجايه

الموظف التابع للفلول : انا نفسي اروح احج

الفلولي :اه ممكن نطلع تبع الداخلية

التابع  للفلول : القرعه يعني؟

الفلولي : لاء تبع الداخلية نفسها مانا اخويا (ظابط شرطة) طلع معاهم علي انه مشرف بيحطوا اسامي كده ناس علي انهم مشرفين و بيطلع ظباط

موظفة : بس ده مش يبقي حرام .. ده تحايل

الفلولي :اي تحايل علشان تزور بيت الله حلال !

بنت عمي اتخطفت . . قلة ادب

February 28, 2012

بعد أن انهي الموظف التابع للفلول  مكالمة المحمول .. اعلن النبأ

هو: بنت عمي اتخطفت

هما : ازاي؟

هو : كانت نازلة تجيب فينو الساعة 6 المغرب و مرجعتش لحد باليل و بعدين ناس كلموا عمي و طلبوا منه فدية ..و دفعلهم و رجعت
هما: هي بنت عمك دي قد ايه ؟
هو : في الاعدادية
......
تاني يوم

هما : هي بنت عمك اتخطفت ازاي

هو: واحدة عملت بتسألها علي عنوان و كمموها بمخدر حطوها في عربية

هما : اخبار بنت عمك ايه ؟

هو : كويسة .. انا كلمتها امبارح و هزأتها

هما : ليه

هو: علشان تاخد بالها

ويتني هيوستون اخت مايكل جاكسون .. و ودن صابرين حرام

February 14, 2012 near Cairo

الموظفة الثورية : احسن يستاهل (مبارك) ماهو كان ممكن يعمل زي كل الدنيا يسرقنا بس يخلي الشعب برضه يعيش كويس ساعتها محدش كان هيعمله حاجه
  التابع للفلول: ايوه مظبوط صح

الموظفة الثورية تستكمل : لكن يسرق هو وولاده و صحابه المليارات و احنا نقعد نقوله المنحة يا ريس ..يستاهل

February 15, 2012 near Cairo

العايقة: حط كريم يمكن تبيض زي مايكل جاكسون

الموظف الفلولي : اه ده اخته لسه ميتة من يومين (ويتني هيوستون)

الموظفة الصعيدية : لاء دي واحدة تانية مش قريبته اصل الزنوج كتير في امريكا

February 16, 2012 near Cairo

في نقاش حاد عن باروكة صابرين اللي فوق الحجاب و هل تعتبر محجبة ولا لاء حسمه
 الموظف التابع للفلول  : يا جماعة انتوا بتتكلموا في ايه ؟ مادام ودنها باينة تبقي مش محجبة

 
 بعد كام اسبوع

نفس الموظف لزميله : باقولك انا نزلت فيلم شارع الهرم من ع النت بس مش عايز يشتغل

مش مهم بقي ده كوفتس

 anuary 24, 2012 near Cairo

الموظف المفتي: بص كده علي المرتب ده مش كده محسوبة غلط ؟
التابع للفلول: اه كده ناقصله 13 جنيه

- بعد ما شاف اسم صاحب المرتب- 
:اسكندر ؟ مش مهم بقي ده كوفتس

January 23, 2012 near Cairo

التابع للفلول : كانوا عاملين مظاهرات ضد تعيين ابناء العاملين ده بيقولوا نعم لتعيين المواطنين مش ابناء العاملين

المديرة (اللي نفسها تعين بنتها) : و هما ابناء العاملين مش مواطنين برضه ؟
التابع للفلول : اصل دول مش عايزين يشتغلوا ما عندنا في العبور عاملين اعلانات طالبين ناس دول عايزين يشتغلوا ساعتين في اليوم و خلاص

الموظف الحنين يلسع ابنه بالمعلقة

January 16, 2012 near Cairo

ام العريف : ماهو كل الحاجات بتاعة قطع الطريق و الناس دول بتبقي مترتبة يعني سواقين التريللا اللي قاطعين الطريق دول تلاقي موظف منهم هو اللي ورا الموضوع

January 11, 2012 near Cairo

الموظفة الصعيدية  بنرفزة : و لما بالاقي الواد ابني بيغلط برضه بالسعه بالمعلقة
 التابع للفلول : يهز راسه متفهما
الموظفة الصعيدية : و ساعات باضربه علي وشه
 التابع للفلول : لاء بلاش الضرب ع الوش علشان ممكن يعلم في وشه

January 11, 2012 near Cairo

 التابع للفلول : الجيش مفيهوش فساد
الموظف المفتي : انا في مشروع حرب وكلونا اكل منتهي الصلاحية
الموظف البزرميط :  اللي دخل الجيش: كان بيجيبولنا الاكل حمضان
الموظف الفلولي : و هو الجندي المصري مميز ليه علي مستوي العالم علشان بيتحمل الظروف دي
التابع للفلول : الفساد في كل مكان في العالم

السنجة في البسلة

December 21, 2011

  بعد ما ام العريف شتمت فيها  بتوع الثورة  و قالت انهم عايزين يخربوا البلد و يوقفوا حالها  .. قعدت تفصص  البسلة تحت المكتب


December 21, 2011 
 
التابع للفلول : انا عرفت بقي قصة البنت .. دي واحدة منقبة اصلا و كان معاها سنجة و قطعت بيها رجل المجند فعملوا فيها كده

صيع التحرير نضربهم بالنار

نوفمبر 2011

احداث محمد محمود

 

المديرة : كل اللي في الميدان دول صيع
التابع للفلول  : المفروض يضربوهم بالالي و ياخدوا عاطل علي باطل
موظف  : مش قوي كده 
التابع للفلول : اصل حتي اللي واقف يتفرج ده واقف ليه ؟
الموظفة الصعيدية  : انا سمعت واحدة بتقول انهم بياخدوا فلوس من قناة الجزيرة و العربية و القنوات الاجنبية —

لو نزلت مظاهرة تبقي مش محترم و تستحق تتدهس

11 اكتوبر 2011 بعد مذبحة ماسبيرو

الموظفة الثورية : بس غلط ان المدرعات تدهس المسيحيين بكره هتدهس المسلمين برضه و نبقي رجعنا لايام العادلي"
التابع للفلول : احسن خليها تدهسهم و بعدين مادام الواحد محترم و مش في مظاهرة محدش هيدهسه "

 

اغسطس 2011
صراف في الخزنة واحد نصب عليه و قبض 10 الاف جنيه و اداله نمرة بطاقة مضروبه ..فجت مديرة الادارة علي طريقة تبرع يا مؤمن و ادوله اي حاجه .. باعتباري شريك مخالف فانا مدفعتش باعتبار ان الموضوع مش تبرعات

الموظف الصعيدي : يا اخي فك كربة اخوك المسلم

العايقه (باستنكار): يعني لو مش مسلم مش هتساعده؟

الصعيدي (بتراجع) : لاء يا استاذه طبعا كلنا زملا —