هاعمل عملية البواسير و خايف معرفش اعاكسك تاني

June 19, 2014 · Cairo ·

الموظف المفتي هيعمل عملية البواسير و ده طبعا كان مثار تعليقات كتير ..اهمها تعليق العايقة

الموظف المفتي : انا خايف يكون فيه آثار جانبية للموضوع

العايقة : لا ان شاء الله تقوم كويس

المفتي : زي يعني اني مش هاعرف اعاكسك تاني

العايقة : ليه هو انت كنت بتعاكسني من انهي ناحية ؟

(ضحك جماعي في المكتب )

أحمد شفيق مسيحي ..و ليلي مراد ماتت في اسرائيل ..و وائل غنيم بتاع السكس و مرسي

1. May 30, 2012 near Cairo

   ام العريف : بتاعة الفجل حكيتلي ان الاخوان قالولها ان "احمد
   
    شفيق " مسيحي و علمي علي اخر واحد في الكشف 
   
   
2. May 30, 2012 near Cairo

   العايقه مفسره لحرق مقر شفيق : اصل محمد مرسي صوروه 
   
   وهو بيقابل رئيس مخابرات قطر و ادوا الفيديو لشفيق فهما مش 
   
   عايزين الفيديو ده يبقي موجود 
   
3. 
   

   May 30, 2012 near Cairo

   الموظف المفتي : ليلي مراد ماتت في اسرائيل 
4. May 30, 2012 near Cairo

   الموظف الفلولي : فيه حاجات غريبه .. ده وائل غنيم بتاع النت 
   
   و السكس بيؤيد مرسي ..
   
   
   

عبدة الشيطان في اعتصام انصار حازم صلاح ابو اسماعيل امام وزارة الدفاع

عن اعتصام انصار حازم صلاح ابو اسماعيل امام وزارة الدفاع  ابريل 2012 

April 29, 2012 near Cairo

الموظف الفلولي : انا لولا عندي عيال كنت دخلت وسطيهم (المعتصمين) ان شا الله افجر نفسي

April 29, 2012 near Cairo

الموظف الصعيدي : كلموني دلوقتي من البيت و بيقولوا شافوا في التليفزيون انه فيه ضرب و فيه 7 ماتوا من الجيش

April 28, 2012 near Cairo

الفلولي راح شخصيا يكتشف اعتصام ابو اسماعيل ثم رجع مندهش : الاقيلك واحدة شقرا واقفه بتهتف للحرية و السنية واقفين جنبها عادي و الاقي واحد مربي شعره و عامل ضفيره و قاعد بيغني معاهم .. ده من عبدة الشيطان

April 28, 2012 near Cairo

الفلولي : ده الجيش ماتله ناس كتيره في ماسبيرو بس ماعلنش عنهم .. شفت ساعتها لما ولعوا في المدرعه ماهو كل ده من فلوسنا

الموظف المفتي : اه انت ممكن تفرط في فرد بس متفرطش في الالة

April 28, 2012 near Cairo

الفلولي : ده الجيش منزلهم بقي فرقة 777 بتاعة الصاعقه

العايقه : ده الجيش بتاع امريكا بييجي يتعلم من الجيش بتاعنا 

يا عبد يا أسود .. الاسلاميين تحت الارض .. ادبي فنون

1. 
   April 28, 2012 near Cairo

   الموظف المفتي : هو المجلس العسكري غلط فعلا .... في انه ادي الاخوان و السلفيين الحرية و خلاهم يطلعوا من تحت الارض 
   April 25, 2012 near Cair
2. الموظف معلقا علي زميله الاسمر : ده انا مره كنت طالع علي السلم و شفته قمت قايله بصوت عالي يا عبد يا اسود .. هاهاهاها
   
   April 24, 2012 near Cairo

   الموظفه ام العريف : الثانوية العامه هتبقي سنه واحده من السنه الجايه زي ما قولتلكم .. بس ادبي هيبقي ادبي ادارة اعمال و ادبي فنون —
   

و حضرتك اخواني ولا برمائي ؟

102

1. April 15, 2012  near Cairo

   الموظف الصعيدي : ماهو ايه اللي مخلي الناس تسرق و تبلطج علشان مش لاقيين شغل
   
   الموظفة (ام العريف) : لاء ده هما بيستسهلوا السرقة عن الشغل 

2. April 15, 2012 near Cairo

   موظف : انا ميهمنيش اللي يمسك البلد يكون اخوان ولا فلول ولا ليبرالي .. المهم يصلحها
   
   الموظف (المفتي) : ايه برمائي دي ؟ —
    
   April 15, 2012 near Cairo 
   
    اتنين من الزملاء اكدوا ان عدد سكان مصر بقي 120 مليون — 

   
   

مصر لعبت مع اسرائيل في دورة ودية في ايران ..اصحوا

1. 
   

1. April 14, 2012 near Cairo

   الموظف المفتي : اه فيه فرق مصرية لعبت مع اسرائيل و مش في كورة اليد بس .. كان فيه دورة ودية في ايران و كنا هنلاعب اسرائيل هناك
   
   ابو نضارة : و لاعبناهم فعلا ؟
     الموظف المفتي : يمكن ... اصل الموضوع اتعتم عليه

2. April  14 ,  2012  near  Cairo

    الموظف المفتي :
   
   - عمر سليمان هو الوحيد في المرشحين اللي تقدر تثق في فكره دلوقتي
   
   - البطاقه خلاص مبقاش بيتحط فيها خانة الديانة انا شفت رئيس جهاز الاحصا و هو بيقول كده في التليفزيون 

   
   

   1. April 13, 2012 near Cairo

       ام العريف : كانوا جايبين الكفراوي امبارح و قال ان قطر بتدعم خيرت الشاطر علشان لما يمسك يديلهم امتياز قناة السويس ل 99 سنه —

ولو سافرت من الامارات لاسبانيا يبقي هتعدي علي المحيط

1. February 29, 2012

   الموظف المفتي : اصل المنتخب الاوليمبي سافر من الامارات لاسبانيا فده خلاهم مرهقين
   
     (ام العريف) : لاء دي مش بعيدة حوالي 3 ساعات يادوب هيعدوا المحيط
    
2. February 29, 2012
   

   الموظف البزرميط : هو الندر حرام اصلا ... بس لو لو ندرت ندر لازم تعمله

مش مهم بقي ده كوفتس

 anuary 24, 2012 near Cairo

الموظف المفتي: بص كده علي المرتب ده مش كده محسوبة غلط ؟
التابع للفلول: اه كده ناقصله 13 جنيه

- بعد ما شاف اسم صاحب المرتب- 
:اسكندر ؟ مش مهم بقي ده كوفتس

January 23, 2012 near Cairo

التابع للفلول : كانوا عاملين مظاهرات ضد تعيين ابناء العاملين ده بيقولوا نعم لتعيين المواطنين مش ابناء العاملين

المديرة (اللي نفسها تعين بنتها) : و هما ابناء العاملين مش مواطنين برضه ؟
التابع للفلول : اصل دول مش عايزين يشتغلوا ما عندنا في العبور عاملين اعلانات طالبين ناس دول عايزين يشتغلوا ساعتين في اليوم و خلاص

الموظف الحنين يلسع ابنه بالمعلقة

January 16, 2012 near Cairo

ام العريف : ماهو كل الحاجات بتاعة قطع الطريق و الناس دول بتبقي مترتبة يعني سواقين التريللا اللي قاطعين الطريق دول تلاقي موظف منهم هو اللي ورا الموضوع

January 11, 2012 near Cairo

الموظفة الصعيدية  بنرفزة : و لما بالاقي الواد ابني بيغلط برضه بالسعه بالمعلقة
 التابع للفلول : يهز راسه متفهما
الموظفة الصعيدية : و ساعات باضربه علي وشه
 التابع للفلول : لاء بلاش الضرب ع الوش علشان ممكن يعلم في وشه

January 11, 2012 near Cairo

 التابع للفلول : الجيش مفيهوش فساد
الموظف المفتي : انا في مشروع حرب وكلونا اكل منتهي الصلاحية
الموظف البزرميط :  اللي دخل الجيش: كان بيجيبولنا الاكل حمضان
الموظف الفلولي : و هو الجندي المصري مميز ليه علي مستوي العالم علشان بيتحمل الظروف دي
التابع للفلول : الفساد في كل مكان في العالم