انتي كبشة

November 16, 2015 · Cairo ·

‫

بعد ما تدخلت أم الفلول علشان تحل مشكلة و تتحمل هي شغل زيادة

الموظفة الخائفة من شيء ما : معلش انتي دايما بتبقي "كبشة" الفدا

تابعوا صفحة "يوميات مكتب" من هنا

المذيعين و الموظفين

August 10, 2015·

‫#‏يوميات_مكتب‬

النهارده الصبح و انا في المكتب كنت باسمع برنامج علي اذاعة نغم اف ام و كان موضوع الحلقة عن الحشرية اللي عند المصريين و جت مكالمة من متصلة كانت بتشتغل طول عمرها في القطاع الخاص و راحت مكان في القطاع العام بقالها سنتين اتضح من سياق الحديث مع المذيعين انه غالبا (ماسبيرو ) لأنهم اتكلموا عن تجارب مشابهة مع نفس المكان من غير ما يقولوا اسمه و ابتدت تتكلم عن صدماتها بداية من الاسانسير و تزاحم الناس فيه و تطفلهم و الناس اللي بتبيع بهارات و اللي بيبيعوا بارفانات مضروبة و انا قاعد باسمع المكالمة في ودني و بابتسم و بابص للموظفين و هما في حكاياتهم المعتادة

تابعونا علي صفحة الفيس بوك

يوم 30 فبراير

2015 April 16 ·

من يومين جه ورق بمكافأة لمدة 4 شهور ..المفروض انه بتيجي ورقة مطبوعة ممضية و مختومة و بعدين يتعمل كشف رسمي فيه الاسامي و المبالغ و تتم مراجعتهم . الورقة و الكشف كانوا جايين مكتوب عليهم

" مكافأة عن الفترة من 1\11 حتي 30 |2 "

أبو نضارة : علي فكرة الورق ده فيه غلط 

..مفيش حاجة اسمها 30 فبراير

و طبعا الورق ده مر علي عدد كبير من الموظفين

و المديرين

https://www.facebook.com/يوميات-مكتب-550741891647752/

خللي بالكم من الفيس بوك

الخبر 

الخميس, 02 أبريل 2015 17:18

تداول رواد موقع التواصل الاجتماعي "فيس بوك" صورة لموظفة بالشهر العقاري، وهي تقوم "بتقشير" بعض أنواع الخضروات أثناء تواجدها بالعمل.

April 5 · 2015

الموظف البزرميط : خلوا بالكم علشان صوروا موظفة في الشهر العقاري و هي بتقور كوسة و موظفة تانية نايمة و حطوا صورهم علي الفيس بوك

تطور في الحكومة ؟ أعوذ بالله

August 28, 2014 · Cairo ·

مديرة الادارة قررت انها تعمل تغيير في نظام الشغل و التغيير ده هيعمل مشكلة و وقت اكتر في القسم عندنا

موظفة : هي بتقول انها كده بتعمل تطور

أم الفلول : لو عايزين يعملوا تطور فعلا يسهلوا ...يجيبوا اجهزة كمبيوتر

أم العريف :تطور ده يبقي في بنوك أو في وزارة لكن هنا دي حكومة ..الحكومة مينفعهاش تطور

هاعمل عملية البواسير و خايف معرفش اعاكسك تاني

June 19, 2014 · Cairo ·

الموظف المفتي هيعمل عملية البواسير و ده طبعا كان مثار تعليقات كتير ..اهمها تعليق العايقة

الموظف المفتي : انا خايف يكون فيه آثار جانبية للموضوع

العايقة : لا ان شاء الله تقوم كويس

المفتي : زي يعني اني مش هاعرف اعاكسك تاني

العايقة : ليه هو انت كنت بتعاكسني من انهي ناحية ؟

(ضحك جماعي في المكتب )

يعني ايه يبقي فيه بطاقة مكتوب عليها السيسي و الناس تشتريها ؟

February 4, 2014 · Cairo ·

امبارح بنت من قسم تاني تقريبا في اواخر العشرينات واضح انه الموظفين شافوها بتكتب كلام غريب شوية ع الفيس بوك فلما دخلت المكتب عندنا طلبوا منها توضيح

البنت : أنا مش مع الاخوان و مع 30 يونيو بس انا شايفه حاجات بتحصل دلوقتي زي اللي كانت بتحصل أيام الاخوان يعني أيام الاخوان اللي يقول لاء يبقي كافر و دلوقتي اللي يقول لاء علي الدستور يبقي ضد الديموقراطية ..ليه تقولي انزل و قول نعم ما تسيبني انا اختار ..احنا اللي بنعمل من الحاكم اله يعني ايه يبقي فيه بطايق مكتوب عليها السيسي و الناس تشتريها ؟

موظفة : أصل ده حب من الناس

الموظفة الثورية سابقا \اخوانية حاليا : ما تسيبوها تتكلم هاجمين عليها كده ليه ؟

و كمان عايز الموظفين ييجوا في الميعاد ..واحد سوري بيتكلم اسرائيلي

October 25, 2012 near Cairo

في المكان اللي باشتغل فيه المواعيد علي الورق المفروض تكون من 8 و نص الصبح ل 2 و نص الضهر لكن في الواقع ميعاد الانصراف واحده و نص الضهر و ميعاد الحضور اتزحزح ل 9 و ربع و فيه ناس بتيجي 9 و نص و لغاية عشرة الا ربع ساعات .. لكن مع قدوم رئيس جديد للمكان قام خلا الناس تلتزم بميعاد 8 و نص الصبح و ساب الانصراف زي ما هو و ده طبعا اثار غضب الموظفين ولأنه الوزير اللي احنا تبعه محسوب علي الاخوان فسمعت التفسير ده

ام العيال : دول عاملين المواعيد دي علشان يطفشونا و يجيبوا بدالنا موظفين من الاخوان

October 24, 2012 near Cairo

ام العريف : امبارح واحد ورايا في الاوتوبيس سوري كان بيكلم ناس جايبين بضاعة من غزة جاية من اسرائيل و بعدين ابتدي يكلم ناس باليهودي .. بالاسرائيلي —

الموظف اللي تنبأ بالطواريء من سنتين و نص .. و جنيهات فضة صيني

March 11, 2012

الموظف الفلولي : شفيق شعبية كبيرة في الشارع بس هتلاقي الاعلاميين ضده اصله هو لو مسك هيعلمهم الادب و هيخلي التظاهر و الاضارب و تعطيل العمل (جناية) .. مش فاكرين لما كان قاونو الطواريء بيقول ان تجمع اكتر من 5 افراد يتقبض عليهم

   arch 11, 2012

موظفون : ده بيقولوا عايزين يعملوا ضرايب علينا
ام العريف : المفروض موظفين الحكومه ميدفعوش ضرايب اصلا
موظف : المفروض انه يحسبوا اساسي المرتب بالدولار و و علي اساسه يشوفوا هيعملوا ضرايب ولا لاء 

1. March 11, 2012
   

   و داخل مخازن تابعة للوزارة  شاهدت شاشات كمبيوتر عليها ملصق usaid —
    
2. March 11, 2012
   

   الموظف التابع للفلول : بيقولوا الصين نزلت جنيهات فضة صيني ال100 بعشرين جنيه !

صيع التحرير نضربهم بالنار

نوفمبر 2011

احداث محمد محمود

 

المديرة : كل اللي في الميدان دول صيع
التابع للفلول  : المفروض يضربوهم بالالي و ياخدوا عاطل علي باطل
موظف  : مش قوي كده 
التابع للفلول : اصل حتي اللي واقف يتفرج ده واقف ليه ؟
الموظفة الصعيدية  : انا سمعت واحدة بتقول انهم بياخدوا فلوس من قناة الجزيرة و العربية و القنوات الاجنبية —

الجنيه المحمدي

الموظف : العملات النادرة دلوقتي بتساوي مبالغ كبيرة قوي من العملات النادرة قوي الجنيه اللي عليه جمل

الموظفة : ده من قد ايه ؟

الموظف : ده قديم قوي

الموظفة :من ايام سيدنا محمد ؟ !