السيسي صفر في الاقتصاد بس مصر هتنافس اوروبا

2015 February 17 · Cairo ·

‫#‏يوميات_مكتب‬

الفلولي اللي من أسبوع مؤيدين السيسي في المكتب كانوا بيتخانقوا معاه عشان بينتقده

الفلولي: دلوقتي بنجيب سلاح من فرنسا و بنعمل مشروع القناة و مليون فدان و مصانع . .مصر خلال سنتين هتعدي دول في اوروبا

February 10 · Cairo · 2015

‫#‏يوميات_مكتب‬

الفلولي : اه احنا لازم نصبر عليه (السيسي ) بس منبقاش مطبلاتيه .. بصي هو في السياسة و الاقتصاد ..صفر سوق سودا في الدولار ..ده فيه ناس رجعت عرابين بضاعة كانوا متفقين عليها

تزوير في استمارات تمرد .. والموظفة بتحسس دلوقتي

May 15, 2013 near Cairo

الموظف الفلولي النهارده كان جايب معاه استمارات (تمرد) و خلي ناس توقع عليها

ام العريف : اه انا ابني امبارح بيقولي انا وقعت عليها بس غيرت اخر رقمين في الرقم القومي

May 13, 2013 near Cairo

واحدة من قسم تاني : ايه ده انتي بقيتي بتلبسي نضاره للقراية ؟

العايقة : اه الواحد بقي مش شايف اللي قدامه راجل ولا ست .. الواحد بيحسس دلوقتي

قصة رعب من مقابر روض الفرج

July 5, 2012 near Cairo

قصة  قصيرة من قصص الرعب  من قصص الفلولي من روض الفرج تنتمي لاجواء ادجار الان بو

الفلولي : فيه واحد بقي في المنطقة جلد جفونه كبير قوي نازل علي وشه مخبيه متقدرش تشوف وشه ..لانه ده كان نزل القبر كان عايز يشوف الملايكه و هي بتحاسب الناس 

ام الفلول : اه اسمع عنه 

ضبة بتاع السمين .. اللي سب الدين لامام الجامع في رمضان

July 5, 2012 near Cairo

قصتان قصيرتان من الموظف الفلولي في اجواء روض الفرج

قصة 1

كان عندنا واحد زمان الله يرحمه بقي كان اسمه ضبة بتاع السمين .. كان تخين قوي و كان عمره ما ركعها .. مع انه كان كبير في السن .. و بعدين مرة قالوله انت كبرت ولازم تصلي .. راح معاهم الجامع علشان يصلي العشا و كانوا في رمضان .. قام الامام لضم التروايح مع العشا .. و ضبه ده قاعد طالع نازل .. قام بعد ما الصلاة خلصت ..وقف في الجامع و مزعق للامام .. يلعن دين اللي يجيلك تاني يا اخي 

الاخوان بيدفنوا الانابيب ..و مزة اللي من قطر بتدفع

الموظف الفلولي : لو بتقروا القران تعرفوا ان محدش بيموت عيان .. الواحد بيشفي من كل الامراض الاول و بعدين يموت 

June 7, 2012 near Cairo

ام العريف : قطر هي اللي ورا الناس دي كلها ده السواق اللي من قطر بيدخل مصر من قاعة كبار الزوار

..........

ايوه هي قطر اللي بتدفع مش فيه واحده هناك اسمها مزه 

June 7, 2012 near Cairo

الموظف الفلولي : امبارح واحده اتصلت و قالت انها لما كانت عايزه انبوبه اتصل بيها ناس من الاخوان و جابولها انبوبه .. هما اللي ورا الازمات دي ..عندهم مخازن في الترب و بيجيبوا منها الانابيب علشان يكسبوا الناس

مشهد محاكمة مبارك حصريا من داخل المكتب

June 2, 2012

حصريا

المشهد من داخل المكتب

الراديو و تليفزيون في موبايل مفتوحين علي المحاكمه و الموظف التابع للفلول بيشتم مبارك و حاشيته

ثم بدأت المقدمه العصماء لاحمد رفعت .. استشف منها الموظف الفلولي ان الحكم هيبقي ضد مبارك .. قام وقف و خد المفاتيح و النضاره قائلا : لاء انا ماقدرش استحمل .. حتي في التجاره لما تاجر كبير بيقع مش بحب اشوفه كده حتي لو كان فاسد

ثم مع النطق بالحكم

كان فيه موظفه من بره المكتب بتزغرط و العايقه حاطه ايدها علي راسها حزنا

أحمد شفيق مسيحي ..و ليلي مراد ماتت في اسرائيل ..و وائل غنيم بتاع السكس و مرسي

1. May 30, 2012 near Cairo

   ام العريف : بتاعة الفجل حكيتلي ان الاخوان قالولها ان "احمد
   
    شفيق " مسيحي و علمي علي اخر واحد في الكشف 
   
   
2. May 30, 2012 near Cairo

   العايقه مفسره لحرق مقر شفيق : اصل محمد مرسي صوروه 
   
   وهو بيقابل رئيس مخابرات قطر و ادوا الفيديو لشفيق فهما مش 
   
   عايزين الفيديو ده يبقي موجود 
   
3. 
   

   May 30, 2012 near Cairo

   الموظف المفتي : ليلي مراد ماتت في اسرائيل 
4. May 30, 2012 near Cairo

   الموظف الفلولي : فيه حاجات غريبه .. ده وائل غنيم بتاع النت 
   
   و السكس بيؤيد مرسي ..
   
   
   

يا مدندش يا قميص النوم يا مقور يا كوميليزون .. في المكتب

May 24, 2012 near Cairo

الموظف التابع للفلول مفسرا رخامته في التعامل مع الاخرين في الشغل : اصل هو ده 

الصح انا ابويا ظابط جيش و رباني علي كده
 
May 22, 2012 near Cairo

الموظف الفلولي : فلوس الدعايه بتاعة مرسي دي كانت تكفي سداد ديون مصر

ام العيال: المصررين كانوا بيدوهم5 ريال في السعوديه و ينتخبوا مرسي 

 

May 21, 2012 near Cairo

العايقه : يا مندنش يا قميص النوم يا مقور يا كومبيليزون

الفلولي : طب انا لو حد كان بيكلمني دلوقتي و سمع ده و حلفتله اني في الشغل مش هيصدق

عهد مبارك كان فيه مميزات و ناس كويسة ..انا كنت اعرف ناظر كويس ..تخيل

1. May 17, 2012 near Cairo

   
   في الشغل عندنا ساعات لما بيبقي حد هيغيب في يوم و عنده 
   
   شغل عايز يتعمل فيكتب مثلا علي كشف معين انه عايز يتراجع 
   
   و يتمضي علشان حد يعمله .. عندنا ولد متعين مع عمته في نفس 
   
   القسم فكان سايبها كشف تعمله و هو غايب و كاتب عليه بالرصاص
   
   عمتو .. ابقي راجعي الكشف ده
2. May 17, 2012 near Cairo

   
   
   الموظف الفلولي : متقولش عصر مبارك مكانش فيه مميزات و 
   
   ناس كويسه .. انا كنت اعرف ناظر كويس جدا ده كان بيوقف
   
    المدرسين طابور 
   
   

المصري في الخليج عبد "للجنيه " الاخوان اشتروه

1. 2. May 16, 2012 near Cairo

      الفلولي : ماهو قطر بتمول ابو الفتوح و مرسي .. 
      
      و شفيق بيموله رجال الاعمال زي ابو العنين و 
      
      
      خالي (عضو مجلس شعب وطني) و ده صح لانه 
      
      لو جه هيقصقصهم
       
2. May 16, 2012 near Cairo

   ام العريف : اخر استطلاع بيقول ان شفيق هياخد 75 في الميه 
3. 
   

   May 16, 2012 near Cairo

   الموظف الفلولي : اصل المصري اللي بره ده بيبقي عبد (للجنيه) 
   .. فيه امراء في السعوديه كانوا بيدوا مصريين 300 ريال 
   
   
   علشان يصوتول لمرسي.. في الكويت بقي واحد خد من الناس 
   
   البطايق و صوت مكانهم لمرسي اصل هما علشان الفلوس مش 
   
   عايزين يسيبوا الشغل و السفاره هناك بتفتح 3 ساعات بس !

عمرو موسي مرات ابوه تبقي راقيه ابراهيم .. السلفيين و الكمنجيه

ay 15, 2012 near Cairo

ام العريف : شفتوا السلفيين امبارح عملوا ايه ؟ نزلوا شارع محمد علي عند بتوع 

المزيكا و خدوا منهم العدد (جمع عدة) و الكمنجيه ! —

.....

المديره : عمرو موسي ده انا شفته في قرية الديبلوماسيين و كانت مراته لابسه بكيني

الموظف الفلولي : انا شفته و السواق بياخده و هو متطوح في فندق ..ده امه تبقي راقية ابراهيم .. لاء دي مراة ابوه اتجوزها علي امه و خلف منها اخ ليه مش شقيق يهودي عايش في فرنسا

فيلم سكس في المكتب ؟ ... و اعتصام وزارة الدفاع بالتنسيق مع اسرائيل

1. May 9, 2012 near Cairo

1. الموظف قاعد بيجرب موبايل جديد و مشغل عليه قيلم و صوت عالي
   الموظفة الثورية  : ايه اللي انت مشغله ده فيلم سكس ؟ 

   
   

   May 9, 2012 near Cairo
2. ام العريف : هو البرادعي سبب كل المصايب اهو كان لسه جاي من امريكا قبل موضوع العباسية هو و علاء الاسواني و جميلة اسماعيل ال الاربعه دول بييجوا من امريكا بالخطط — 

   
   

   
   May 8, 2012 near Cairo

   الموظف الفلولي : ساعة الصفر لاسرائيل كانت يوم الجمعه .. كانوا هيهجموا علي سينا لو نجح اقتحام وزارة الدفاع .. اصل وزارة الدفاع دي فيها غرفة العمليات اللي هي بتربط الاسلحه ببعض ساعتها كانت هتبقي فرصتهم لان الاسلحة المختلفه مكانتي هتبقي متصله ببعض

   
   

   
   

عبدة الشيطان في اعتصام انصار حازم صلاح ابو اسماعيل امام وزارة الدفاع

عن اعتصام انصار حازم صلاح ابو اسماعيل امام وزارة الدفاع  ابريل 2012 

April 29, 2012 near Cairo

الموظف الفلولي : انا لولا عندي عيال كنت دخلت وسطيهم (المعتصمين) ان شا الله افجر نفسي

April 29, 2012 near Cairo

الموظف الصعيدي : كلموني دلوقتي من البيت و بيقولوا شافوا في التليفزيون انه فيه ضرب و فيه 7 ماتوا من الجيش

April 28, 2012 near Cairo

الفلولي راح شخصيا يكتشف اعتصام ابو اسماعيل ثم رجع مندهش : الاقيلك واحدة شقرا واقفه بتهتف للحرية و السنية واقفين جنبها عادي و الاقي واحد مربي شعره و عامل ضفيره و قاعد بيغني معاهم .. ده من عبدة الشيطان

April 28, 2012 near Cairo

الفلولي : ده الجيش ماتله ناس كتيره في ماسبيرو بس ماعلنش عنهم .. شفت ساعتها لما ولعوا في المدرعه ماهو كل ده من فلوسنا

الموظف المفتي : اه انت ممكن تفرط في فرد بس متفرطش في الالة

April 28, 2012 near Cairo

الفلولي : ده الجيش منزلهم بقي فرقة 777 بتاعة الصاعقه

العايقه : ده الجيش بتاع امريكا بييجي يتعلم من الجيش بتاعنا 

قطر هي اللي ورا تفجيرات الغاز في سينا

April 23, 2012 near Cairo

الموظف الفلولي : هي اصلا اسرائيل هتاخد الغاز من قطر بعد كده

ام العريف : ما هي قطر اللي ورا تفجيرات الغاز علشان يصدروه هما —

April 22, 2012 near Cairo

الموظف الصعيدي اللي مخلف حديثا : انا ولاد اختي طاهرناهم عند حلاق الصحه و بعدين خدناهم لدكتور قام قايل الطهاره دي .. نضيفه جدا 

April 22, 2012 near Cairo

الموظف التابع للفلول : اسرائيل مش عايزة عمر سليمان دول مسمينه الاسد العجوز — 

مسلسل صعيدي عن عمر سليمان و مبارك و القذافي.. و علاقات جنسية كاملة في الخيمة

April 19, 2012 near Cairo

مع حكايه نهاية الاسبوع من الموظفة الصعيديه : لاء عمر سليمان مش كويس ده جوزي حكالي : مبارك و عمر سليمان كانوا بيتاجروا في الاثار و بعدين اكتشفوا مرة اثار في ليبيا ب 100 مليار كان عمر سليمان و مبارك و طبعا داخل معاهم ابن القذافي و كان فيه صحفي مصري كان عايز نسبه من الفلوس ف عمر سليمان مرضاش يديله النسبه بتاعته و اقوله هاعينلك بنتك في مكان كويس و بعدين مادالوش الفلوس و معينش بنته ف الصحفي جاله شلل 

 

April 21, 2012 near Cairo

الموظف الفلولي : شفتوا امبارح الولد و البنت اللي طلعوهم من الخيمة في التحرير 
الموظف التابع للفلول : طبيعي ده بيحصل من اول يوم في الثورة

معندكوش حاجة مخللة ؟

1. April 10, 2012 near Cairo
   2. 
      موظفه جت علي اول الاوضه ثم ابتسمت و قالت : معندكوش حاجه مخلله

2. .............................................

   
   

   الموظف الفلولي : السعودية اعلنت ان ام ابو اسماعيل حجت بالاباسبور الامريكي
   
   الموظفة العايقة - باستنكار و بصوت عالي اللي : و كان ناكر ابن المفضوحه —

حازم ابو اسماعيل تبع ايران .. و عمر سليمان ازهري

April 10, 2012 near Cairo

 الفلولي : هو ابو اسماعيل كان جايب فلوس حملته دي كلها منين؟

موظفة : السعوديه بقي

الفلولي : لاء دي ايران —

April 8, 2012 near Cairo

 الفلولي : جالي رساله ع الموبايل دلوقتي ان فيه واحد مسيحي اتقدم للرئاسه و معاه 30 توقيع من نواب في البرلمان .. انا عارف مين اللي ورا اللعبه دي الاخوان .. اصل هما عارفين ان اصوات الاقباط رايحه لعمر سليمان فهما ادوله الامضاءات علشان يكسبوا اصوات الاقباط .. ادي يا عم اللي بيقولوا قال الله و قال الرسول 

1. 
   
2. 
   April 7, 2012 near Cairo

   الموظفة تاييدا لعمر سليمان : اه ده من قنا و ازهري ! 

هو كل واحد يموت البابا بتاعه يمشي علي حل شعره ؟

3. April 7, 2012 near Cairo

   
   
   الموظف الفلولي : اصل الناس ماكانش عندها اختيار في مجلس الشعب قالوا بتوع الثورة عملا و بتوع الكتله تبع الكنيسه و الوطني فلول .. ده انا انتخبت الحرية و العداله
4. April 7, 2012 near Cairo

   الموظف الفلولي : ده بيقولوا فيه مسيحيين هيروحوا يزوروا القدس
   العايقه  : دي قله و ده مش صح .. هو كل واحد ابوه يموت يمشي علي حل شعره ؟ —

   
   

   
   April 5, 2012 near Cairo

   الموظفين للموظف اللي منتظر المولود : واول ما يتولد تأدنله في ودنه اليمين
   
   موظفة : و تقوله الاقامة في ودنه الشمال
   
   موظفه و جده (عن حفيدها) : ايوه عارفه حفيدي دلوقتي لما يسمع الادان يسكت كده و يقول (دان دان) علشان اول ما اتولد اتدنا في ودنه اليمين 

   
   

   78