اوعي تدوس علي لسان واحد ميت ..والا

August 26, 2012 near Cairo

بعد نقاش و لخبطه بين مين اول واحد طلع الفضاء و بين اول واحد نزل علي القمر ارمسترونج

الموظفه الثورية : امبارح مات اول واحد طلع القمر

ام العريف : اه عملوله صلاة في الجامع .. لما كان فوق شاف الجامع النبوي و الكعبه منورين و سمع الادان —

August 22, 2012 near Cairo

الصعيدي : عارفين ايه بيفضل في جسم الانسان لما يموت حته كده في اخر العمود الفقري و ربنا بيخلق الناس منها يوم القيامه

الفلولي : اللي بيفضل من جسم الانسان هو اللسان .. اصل انا دفنت ناس كتير .. اللسان ده بيبقي عامل زي الابره زي الشوكه كده بس اوعي تدوس عليه .. لو دوست عليه حياتك تبقي كلها نكد 

الاخوان بيدفنوا الانابيب ..و مزة اللي من قطر بتدفع

الموظف الفلولي : لو بتقروا القران تعرفوا ان محدش بيموت عيان .. الواحد بيشفي من كل الامراض الاول و بعدين يموت 

June 7, 2012 near Cairo

ام العريف : قطر هي اللي ورا الناس دي كلها ده السواق اللي من قطر بيدخل مصر من قاعة كبار الزوار

..........

ايوه هي قطر اللي بتدفع مش فيه واحده هناك اسمها مزه 

June 7, 2012 near Cairo

الموظف الفلولي : امبارح واحده اتصلت و قالت انها لما كانت عايزه انبوبه اتصل بيها ناس من الاخوان و جابولها انبوبه .. هما اللي ورا الازمات دي ..عندهم مخازن في الترب و بيجيبوا منها الانابيب علشان يكسبوا الناس

متقفش مع مسيحيين كتير .. خللي بالك من الفرزخ

December 27, 2011
الموظفة الثورية : بس مدير الادارة قالي ما اقفش مع" العايقة" (مسيحية) كتير .. هو  قالي اني لو مت و انا واقفة معاها هاخش النار علشان كده باقلل من كلامي معاها
........................
 

December 29, 2011

 

الفلولي : انا بعد وفاة اخويا ابتديت اسأل في الدين كتير عن الموت و ما بعده و عن حياة البرزخ

 

ام العريف : ايه الفرزخ ده؟

عن موت الكمبيوتر و تزوير التزويغ

المديرة : احنا هنحتاج نفتح الاوضة اللي فيها الكمبيوترات علشان  ناس تشتغل عليهم

مدير الادارة ( مدير القسم بتاعنا سابقا ) :  لاء طبعا الكمبيوتر ده بتاع الدولة 

                              .............................

الموظفة المسالمة : ده مره في قسم تحت .. جالهم تفتيش مفاجيء و كان نصهم مزوغين قاموا عملوا ايه .. جابوا ناس من الجمهور عملوا انهم موظفين بس المفتش شك فيهم و طلب منهم البطايق الشخصية فانكشفوا 

                                              ................................

جت سيرة الموت و الدفن و القبور في المكتب و اهم ما قيل

- الميت بيسمع الناس اللي واقفة حوالين القبر و هما بيدفنوه و روحه بتكون في ودنه الشمال!

- الميت بينزل من السما للقبر كل اسبوع من يوم الخميس باليل لحد يوم السبت الصبح!

- لما بييجي يدفنوا الميت بيفكوا عنه اربطة الكفن علشان يعرف يقوم

يوميات ديسمبر 2009