كيف تسب الدين للمسيحيين بدون مشاكل ؟

August 12, 2015 ·

‫#‏يوميات_مكتب‬

معلومة ..الموظف الصعيدي بيشتغل بعد الضهر في شركة صاحبها مسيحي و معظم اللي شغالين فيها مسيحيين .. احتفظ بهذه المعلومة عزيزي القاريء

الموظف الصعيدي وهو عموما بيحب يشكي عن متاعبه و مشاكله و شقاه : منفعلا

و نزلنا نشتغل تاني يوم العيد و مبنعملش حاجة ده شركة يهود ..يلعن دين أبوهم

........

بعد ما العايقة طلعت من المكتب

بعض الموظفين :مينفعش تسب الدين ..برضه ميصحش

الصعيدي : انا مبسبش الدين ..انا قولت دين أبوهم هو أبوهم ليه دين ؟

تابعوا صفحة يوميات مكتب علي الفيس بوك

العنتيل السلفي خلي منظرنا وحش قدام المسيحيين و بيحصل في الكنيسة أكتر من كده

November 18, 2014 · Cairo · ·

في غياب العايقة

الفلولي بيشتكي من موظفين الضرايب المسيحيين اللي بيراجعوا علي محل ابوه

التابع للفلول بيتكلم عن المسيحيين ولاد ال .. اللي بيشتروا الاراضي في شبرا

الموظف الصعيدي متضايق من العنتيل السلفي لانه بيكسفنا قدام المسيحيين بينما بيحصل في الكنيسة اكتر من كده

موظفين مؤيدين النظام ..مع 30 يونيو و السيسي و بيشتموا الاخوان و السلفيين و داعش بس موقفهم من المسيحيين مبيتغيرش

موظفة اسمها بطيخة ..و القداس القبطي.. بالهيروغليفي

November 17, 2014 · Cairo · 

النهاردة من ضمن الاسامي في كشوف موظفين واحدة اسمها .. بطيخة و جدها اسمه محارب

November 14, 2014 · Cairo · 

 في غياب العايقة انفتح الكلام عن القداس المسيحي

أم العيال :محدش فاهم هما بيقولوا ايه ؟

أم العريف : لما كنت في فرح زميلتنا (المسيحية المتزمتة ) خليت ابني يسأل فعرفت ان ده ايطالي

الموظف المفتي : لاء ده هيروغليفي مع اللغة المصري القديمة

هو اللي مات مسيحي ..عقبال الباقي

July 10, 2014 · Cairo ·

تدحل" أم العريف" المكتب ..تلاحظ أن العايقة (مسيحية ) ترتدي اللون الاسود ..تنتظر حتي خروجها ثم تسأل :هو مين اللي مات لها ؟

تأتي الاجابة : جوز أختها

ترد علي الفور : عقبال الباقي

واحدة مسيحية هتقول ايه للدستور يعني ؟ وواحد مخلص جيش هيقول ايه للدستور ؟

January 15, 2014 · Cairo ·

الموظفين و الاستفتاء علي الدستور (1)

العايقة متعودة في الاستحقاقات الانتخابية انها تروح اللجنة بدري قوي تقف اول واحدة و تدلي بصوتها و بعد كده تيجي ع الشغل علشان لو روحت ممكن تكسل تنزل تاني

بعد ما جت و شتمت القاضي علشان اتأخر في الوصول للجنة

أم العيال : ها و قولتي ايه بقي نعم ولا لاء

العايقة (باستنكار و استغراب ) : واحدة مسيحية هتقول لاء ؟!

..

ابن أم العريف اللي خلص تجنيده السنة اللي فاتت أمه حاولت تقنعه انه يقول نعم قالها انه هيروح و يقول لاء هو و اصحابه

البياعة المسيحية اديتني شنطة عليها جماجم و صلبان ..و أثيوبيا دفعت رشوة مليار دولار لمرسي

January 7, 2014 · Cairo ·

الموظفة الصعيدية بتحب تجيب شنط اللي هي ممكن تحط فيها حاجات و تتمسك في الايد مش الشنط النسائية اللي بتتحط علي الكتف , و ده كان المدخل اللي خلاها تتعامل مع البياعة المسيحية اللي بتجيب شنط كويسة اللي غالبا مكانتش هتفضل تتعامل معاها

أول شنطة

الصعيدية : شوفتوا البياعة اشتريت منها شنطة و لما روحت البيت لقيت الشنطة محطوط عليها جماجم و صلبان اعمل ايه دلوقتي ارجعالها ؟ ( الحقيقة ان الشنطة عليها جماجم و عليها تاج ملكي جواه فيه صليب )

تاني شنطة

الصعيدية ماسكة شنطة من دول

الثورية \ اخوانية حاليا : ده ايه العلم اللي علي الشنطة ده ؟ علم بريطانيا ؟

الصعيدية : باينه

ام الفلول و موظفة تانية : مش عارفين

(الحقيقة ان الشنطة عليها علم امريكا )

January 4, 2014 · Cairo ·

الفلولي : ده فيه جرنال اثيوبي من يومين نشر ان مرسي اخد من اثيوبيا مليار دولار علشان يوافق علي سد النهضة ..و قالوله لو انكرت هنطلع الورقة ..و هشام قنديل هو اللي استلم منهم الفلوس

الوحدة الوطنية هي اننا ننزل نحمي كنايس المسيحيين أعداء الاسلام

August 30, 2013 · Cairo 

ام العيال : بس انا شايفة الموضوع ده (30 يونيو) قربنا من المسيحيين ..عندنا المسلمين بقوا ينزلوا يحموا الكنايس

التابع للفلول : برضه هيفضل عدوك هو عدو دينك

ام العريف : احنا بنكرههم اه بس المعاملة تبقي كويسة 

August 29, 2013 · Cairo · 

ام العريف : شوفتوا اخو اوباما طلع اخوان و عايش في كينيا و متجوز 12 واحدة

تعليق الموظفين علي وفاة البابا (2-2) البابا اتجوز و اتحنط و نفسي ارمي عليهم قنبلة

March 19, 2012 near Cairo

الموظفه : زحمه كبيره من المسيحيين قدام الكاتدرائيه

الموظفة المنقبه : نفسي اجيب قنبله و ارميها عليهم كلهم —

March 19, 2012 near Cairo
 
  الموظفه الصعيدية  : ده بيقولوا البابا ده كان متجوز و عنده ولد

March 19, 2012 near Cairo

الموظفين  و ام العريف : البابا اتحنط علي طريقة الفراعنه وشالوا احشاؤه علشان يحنطوه

مرة موظف أدن قبل ميعاد الادان علشان يغيظ زميله

January 31, 2012 near Cairo

المديرة: عملتي ايه خلصتي الورق بتاعك ؟

  الموظفة المسالمة: اه خلصوني بسرعه قوي و سهلوا عليا و الموظفة خلصتني بسرعه و قالتلي اي خدمة مع انها ( و اشارت باصابعها بعلامة الصليب ) تصوري ؟

...............

الموظفين : ايه الدوشة اللي بره دي ؟

الموظف الصعيدي  : اصل الساعي بيشتكي من عامل الاساسنسير انه بيضايقه و بيشتمه و قطع من سفنج الكرسي بتاعه علشان يمسح بيه الاسانسير .. ده بينزل يدن الضهر قبل ميعاده علشان ميخليش الساعي يدن

January 30, 2012 near Cairo

المديرة : اه مدير الادارة عامل قسطرة في القلب اكيد كان عنده قبلها ضيق في

  (ام العريف) : ضيق في التنفس

  المديرة: ضيق في الشرايين

متقفش مع مسيحيين كتير .. خللي بالك من الفرزخ

December 27, 2011
الموظفة الثورية : بس مدير الادارة قالي ما اقفش مع" العايقة" (مسيحية) كتير .. هو  قالي اني لو مت و انا واقفة معاها هاخش النار علشان كده باقلل من كلامي معاها
........................
 

December 29, 2011

 

الفلولي : انا بعد وفاة اخويا ابتديت اسأل في الدين كتير عن الموت و ما بعده و عن حياة البرزخ

 

ام العريف : ايه الفرزخ ده؟

حنوب افريقيا من ضمن دول منابع النيل

الموظف المفتي : النيجر من ضمن دول حوض النيل  لكن جنوب افريقيا مش من ضمن دول حوض النيل بس هي من دول منابع النيل

الموظف المفتي خريج اداب قسم جغرافيا 

.........................................

بعد حادث نجع حمادي  يناير 

2010

لمديرة : باكلم زميلتنا امبارح باقولها هتاخدي يوم ايه اجازة علشان العيد , قالتلي و هوه احنا هنحتفل بالعيد ده احنا زعلانين لا هناكل ولا هنلبس

ام العريف : اه فيه ناس بتحب تنكد علي نفسها

موظفة : يعني هما هيفضلوا زعلانين كده

الموظف المفتي : الهي دايما