الرئيس الأمريكي اللي كان بيخاف من عبد الناصر

October 5, 2015 · Cairo ·

الفلولي: ده مرة عبد الناصر كان في لقاء مع رئيس أمريكي ..مش فاكر اسمه

الموظف الصعيدي :كيسنجر*

الفلولي : أيوه كيسنجر .. و كان الرئيس الامريكي ده خايف من نظرة عينين عبد الناصر لانها قوية ..اللي بيحكي القصة دي سكرتير عبد الناصر

* كيسنجر وزير خارجية الولايات المتحدة السابق

تابع صفحة يوميات مكتب من هنا

ماهي حاطة صورة للسيسي في أوضة النوم !

November 21, 2013 · Cairo · 

بعد 30 يونيو و تعبيرا عن تأييد اغلب الموظفين ل السيسي  الفلولي و ام العيال كل واحد فيهم جاب بوستر للسيسي و حطوه علي الحيطة مع بوستر قديم كان الفلولي حاطه لعبد الناصر من جرنال الوطن تحت عنوان "احنا اسفين يا زعيم "  من حوالي اسبوعين جه تفتيش من الوزارة و لما شافوا الحاجات دي امروا بانها تتشال "هنا مكان للشغل بس " و اتشالت فعلا

الموظف المفتي : ده انا قولت انتي اخدتي البوستر ده و حطيتيه عندك في البيت
العايقه : ماهي حاطه صورة للسيسي في اوضة النوم
أم العيال : لاء انا حاطه صورة السيسي في الصالون ..بس لو حطيتها في اوضة النوم جوزي مش هيعترض

يعني ضد عبد الناصر و بوهيمي و ايه كمان ..اعترف

 24, 2012 near Cairo

بعد مديح مطول من الموظف الصعيدي لعبد الناصر

الموظف الصعيدي : و انت بقي من اللي هما ضد عبد الناصر

أبو نضارة  يبتسم

الصعيدي : انت ضد عبد الناصر و السادات و كل الناس مش فاهملك انت مع مين

الموظف المفتي : يا عم ده بوهيمي 

الصعيدي : بهائي ؟ 

حب المصريين لفايزة ابو النجا خلاها عبد الناصر .. و صندوق العزة و الكرامة لمحمد حسان

1. March 10, 2012

   و انت بتعمل المرتبات تلاقي خانة لخصم الفلوس
   
   صندوق العزة و الكرامة
   
   و حد تاني مسميه
   
   صندوق في حب مصر —
   

   
   March 10, 2012
2. الموظف الفلولي : لا البلد خلاص ده احنا بقينا اسوأ من الاستعمار

   March 8, 2012

   
   
   كان فيه حريقة امبارح في غمرة تحت كوبري اكتوبر
   الموظفة : اكيد دي عزبة ابو حشيش دي منطقة عشوائية هناك كلها بلطجية
   
     ام العريف : هما السكان هناك اللي حرقوها بعد ما سمعوا عن الشقق الجديده بتاعة الحكومة اللي هتبقي علي اخر السنة
   
   الخبر ف الاهرام النهارده
   حريق بأحد مخازن مرتجعات مخافظة القاهرة في غمرة

    
   

   March 8, 2012

   ا
   
   نظر الموظف الفلولي في الجريدة ثم قال : الست دي خدت حب من المصريين ملوش حل .. دي عبد الناصر الجديد (فايزة ابو النجا)