أنا أي حاجة يقولها السيسي موافقة عليها

July 6, 2014 · Cairo ·

الموظفين و البنزين (2)

أم العيال : امبارح الست بتقولي السيسي غلي الحاجة انا ندمانه اني انتخبته ..معرفتش ارد عليها

أم العريف : قوليلها احنا دلوقتي محتاجين فلوس فبدل ما ناخد قرض من البنك و ندفع فوايد بنعمل جمعية أصل دي مش هتفهم لو قولتيلها الاقتصاد

أم العيال : اه حلوة دي أصل مكنتش فاهمة القرار بس أنا أي حاجة يقولها السيسي موافقة عليها

ماذا حدث للموظفين عند زيادة اسعار البنزين ؟

July 5, 2014 · Cairo ·

الموظفين و البنزين (1)

النهارده داخل المكتب لقيت الموظف الفلولي بيشتكي من ان الميكروباص اللي بييجي بيه الشغل زاد و ان كل حاجة هتغلي بعديه الموظف المفتي نفس الشكوي بعديهم جه الموظف (التابع للفلول ) منفجر من زيادة الاسعار بنزين و سولار و فراخ و بيض و لسه اوتوبيس المدرسة و امبارح كان مروح قعد ساعتين علشان كل ما حول الاتحادية مقفول و انقسم المكتب الي

الموظفين التابع للفلول و المفتي ضد قرار الزيادة و انه كده الفقير هو اللي هيتضر و ان كده السيسي بيفقد شعبيته

أم الفلول و المديرة الجديدة ..دي ظروف بلدنا و الحالة بايظة بقالها 3 سنين و الواحد يحمد ربنا و يبص للي اقل منه

و الفلولي في النص شوية يقول ده ضروري علشان نقف قدام امريكا و شوية يقول بس كده الدنيا هتبقي صعبة جدا

هاعمل عملية البواسير و خايف معرفش اعاكسك تاني

June 19, 2014 · Cairo ·

الموظف المفتي هيعمل عملية البواسير و ده طبعا كان مثار تعليقات كتير ..اهمها تعليق العايقة

الموظف المفتي : انا خايف يكون فيه آثار جانبية للموضوع

العايقة : لا ان شاء الله تقوم كويس

المفتي : زي يعني اني مش هاعرف اعاكسك تاني

العايقة : ليه هو انت كنت بتعاكسني من انهي ناحية ؟

(ضحك جماعي في المكتب )

دكتور جامعة اعرفه واحد كان ملفق له قضية تهديد لميس الحديدي

June 17, 2014 · Cairo ·

الفلولي : كنت اجازة امبارح أصلي كنت باقدم لابني في المدرسة الموضوع كان صعب بس اللي ساعدني فيه دكتور جامعة اعرفه اللي قولتلك كانوا متهمينه في قضية تهديد لميس الحديدي ..طلع ان واحد كان ملفقها له علشان "يستبزه "

العايقة : يستفزه ؟

الفلولي : لاء يستبزه ..يعني يطلب منه فلوس

و اللي حاولوا يغتصبوها في التحرير دي اخوان و واخدة فلوس

June 11, 2014 · Cairo ·

حبس 6 متهمين بالتحرش بفتيات بميدان التحرير أثناء احتفالات تنصيب السيسي

التابع للفلول : بس الصراحة موضوع الاحتفالات ده كان كتير قوي ما كفاية مرة واحدة و خلاص

أم العريف : الموضوع ده الاخوان اللي وراه

التابع للفلول : طب منديهمش فرصة بقي ..و بعدين هو فيه واحدة تقلع ملط في الشارع ؟

العايقة : و هي يعني قلعت بمزاجها ؟!

أم العريف : ماهي مقصودة ماهي معاهم و واخدة فلوس

الفلولي : الاخوان هما اللي ورا الموضوع ده

كنا بنزور الانتخابات أيام الحزب الوطني

June 1, 2014 · Cairo ·

الموظفة الصعيدية : جاتلنا واحدة في الانتخابات و قالتلنا عايزة انتخب بس ماحطش صباعي في الحبر الفسفوري علشان جوزي ميعرفش اني انتخبت قولنالها لاء مينفعش

الفلولي :الحركة اللي كنا بنعملها زمان ايام الحزب الوطني بقي كنا نحط جلسرين علي صباعنا قبل ما نخش فالحبر ميلزقش في ايدنا و نصوت تاني

معلومة : خال الموظف الفلولي كان عضو مجلس شعب عن الحزب الوطني

لو مش هتنتخب السيسي يبقي يا الدفع يا الحبس

May 29, 2014 · Cairo · Edited ·

أم العريف : ده ايه المُح ده ؟

العايقة : اسمه ايه ؟

أم العريف : مُح !!

العايقة : اسمه مُحن ..مُحن السيد كُهن مسمعتيهاش دي ؟

May 29, 2014 · Cairo ·

أم الفلول (من سكان فيصل ) امبارح : و مشوفتش اي حد من الاحزاب في الشارع الوحيدين اللي شوفتهم بصراحة يعني كانت العربيات بتاعة حزب النور اللي كانت بتدعو الناس علشان ينتخبوا السيسي

May 28, 2014 · Cairo ·

المديرة الجديدة : لاء المرة دي في غرامة 500 جنيه و هتتطبق بجد

: ما كل مرة بيقولوا كده و يخوفوا الناس

أم العريف :لاء هتتطبق انا مره غرموا ابو جوزي 100 جنيه جاله استدعاء علي القسم و قالوله يا الدفع يا الحبس ..الكلام ده كان مش قريب كان قبل مبارك