شيخ ابن ... بيدعي علينا

July 16 · 2015

‫#‏يوميات_مكتب‬

العايقة بعد ما بصت في التابلت بتاعها :

و فيه شيخ ابن وسخة كان بيدعي علينا و علي الجيش و علي الشعب المصري في جامع اسمه عُمر بن العاص

 "أدى الشيخ محمد جبريل صلاة العشاء والتراويح، في مسجد عمرو بن العاص، ليلة السابع والعشرين من شهر رمضان، وأدى خلفه الآلاف من المصلين، وهم يؤمنون على دعائه، وقد دعا الشيخ “جبريل” في ليلة القدر على الاعلاميين والظالمين "

موتوا دين أبوهم

July 6 · 2015

أم الفلول : شوفتي التسعة اللي صفوهم من الاخوان في أكتوبر ؟

العايقة: ما هما المفروض ميمسكوش و يحققوا و يحاكموا ..يصفوا دين أبوهم

بالصور| "الداخلية" تعلن تفاصيل تصفية 9 قيادات إخوانية في 6 أكتوبر

الأربعاء 01-07-2015 PM 08:19

الشيخ زويد في 6 أكتوبر؟.

July 4 · 2015

العايقة : و هي "الشيخ زويد " دي قد ايه ؟

أم الفلول : ما تجيش 50 بيت

...

العايقة : مش الشيخ زايد دي في 6 أكتوبر ؟

أم الفلول : لاء دي حاجة تانية

الموظف المفتي : أصل هما في سينا بينطقوا "الشيخ زايد " الشيخ زويد "

http://www.marefa.org/index.php/الشيخ_زويد

السكان

وصل عدد السكان في عام 2010 إلى حوالي 51527 نسمة.^[4]توجد عده قبائل رئيسية في الشيخ زويد

أسماء البلتاجي عايشة ..و الدليل ..

2015 ,June 27 ·

بعد ما بصت في التليفون بتاعها

العايقة : شوفتي مش أسماء البلتاجي طلعت عايشة

أم الفلول : مين أسماء البلتاجي ؟

العايقة : بنت البلتاجي اللي قالوا انها ماتت في رابعة طلعت عايشة في السودان ..و يقولك ماتت في رابعة و خامسة

https://www.facebook.com/يوميات-مكتب-

مرسي هيتسجن 25 سنة و بعد كده يتعدم ؟

June 23 · 2015

في بداية الاسبوع

بعد الشكوي السنوية المعتادة من طول عدد ساعات الصيام و ان الفطار ع الساعة 7

العايقة : طب هما مش هيوقفوا التوقيت الصيفي علشان رمضان ؟

اجابة جماعية : هما طبقوه اصلا السنة دي علشان يوقفوه ؟

June 21 · 2015‫

العايقة بتسأل أم الفلول عن مرسي : وهو كده ينفذ انهي حكم الاول المؤبد ولا الاعدام ؟

//www.facebook.com/يوميات-مكتب-/

أنجيلا ميركل " سفيرة " ألمانيا !

June 6 · 2015

العايقة (باعجاب ) ل أم الفلول : شوفتي السيسي و هو بيكلم "سفيرة " ألمانيا اللي هي اسمها ميركل و بيقولها انتوا لازم تفهموا و بيشاورلها بصباعه كده

June 15 · 2015

في اطار التعليق علي مسلسل نادية الجندي التليفزيوني الأخير

الفلولي : انا بحب تمثيل (نادية الجندي)

.facebook.تابعوا صفحة "يوميات مكتب" علي ال .

نوال السعداوي اختفت عند الجن ..و انت عارف

2015 May 6

بعد ما جت سيرة ايناس الدغيدي و تصريحاتها الأخيرة

الفلولي : عارفين نوال السعدني ؟

أبو نضارة مصححا : السعداوي

الفلولي :نوال السعداوي دي قعدت 3 سنين مختفية عند الجن !

ثم أضاف موجها الكلام لي "المفروض انت تكون عارف المعلومة دي " علي اساس ان انا اللي بيقرا كتب في المكتب

May 6 ·2015 ·

الفلولي أول ما جه استنكر الاهتمام الشديد بموضوع ياسمين النرش اللي ع النت و الفضائيات و بكده خلا المكتب يتكلم في الموضوع و بعد كده قام مشترك معاهم في الكلام

https://www.facebook.com/يوميات-مكتب-550741891647752/

"الدنيا علي جناح يمامة" بطولة .. فاروق جعفر

April 22 · 2015

الحكاية 2 من الفلولي عن فاروق جعفر

:أيام ما كنت شغال في القطاع الخاص كان لما تكون رايح تصرف شيك بمبلغ كبير فلازم نكلم مدير البنك علشان يحضر الفلوس و كنت بادخل عنده ..فدخلت للمدير فكان فاروق جعفر قاعد جنبه فانا دخلت شايفه قاعد بجنبه (بروفايل ) وهو مش مهتم يبص مين اللي داخل أول ما قلت للمدير انا جاي اصرف شيك بمليون جنيه قام باصص ناحيتي

ملعوب فاروق جعفر في علي خليل

2015 ,April 20 ·

الفلولي (زملكاوي عتيد ) بعد ما قرا خبر ان فاروق جعفر قاعد في لبنان علشان مراته رافعه عليه قضايا و اخدت منه فلوسه<الاول استغرب و صعب عليه ..و بعدين قال: بس فاروق جعفر ده طول عمره بتاع فلوس و حكي حكايتين عنه

الحكاية الأولي

ده فاروق جعفر هو اللي خلي علي خليل يبطل كورة ..كان علي خليل يقوله انا محتاج فلوس ففاروق يقوله طب خد سلفة من النادي يقوله هو ينفع ؟ يقوله أه ده انا هاروح بكرة و آخد سلفة و انت تعالي خش بعدي و خد السلفة ..فيروح فاروق و يخش لمحمد حسن حلمي رئيس النادي و يكلمه في أي موضوع و يطلع من عنده بيعد في فلوس هو جايبها من البيت فيشوفه علي خليل يقوله خدت السلفة يقوله آه يدخل علي خليل يطلب السلفة فرئيس النادي يرفض يقوله 

معندناش سلفة للعيبة

https://www.facebook.com/يوميات-مكتب-550741891647752/

كوسة و ملوخية في مكتب الحكومة

April 19 · 2015

تعليقا علي صورة الموظفة اللي اتصورت و هي بتقور الكوسة

الموظف الصعيدي : انا لما كنت في سوهاج كان فيه موظفة كانت تجيب الخضار تعمله مرتين في الاسبوع.. كانت تجيب الملوخية تقطفها و تخرطها في المكتب

يوم 30 فبراير

2015 April 16 ·

من يومين جه ورق بمكافأة لمدة 4 شهور ..المفروض انه بتيجي ورقة مطبوعة ممضية و مختومة و بعدين يتعمل كشف رسمي فيه الاسامي و المبالغ و تتم مراجعتهم . الورقة و الكشف كانوا جايين مكتوب عليهم

" مكافأة عن الفترة من 1\11 حتي 30 |2 "

أبو نضارة : علي فكرة الورق ده فيه غلط 

..مفيش حاجة اسمها 30 فبراير

و طبعا الورق ده مر علي عدد كبير من الموظفين

و المديرين

https://www.facebook.com/يوميات-مكتب-550741891647752/

مصر اشترت قنبلة نووية

2013 April 8 ·

الموظف الصعيدي : ده بيقولوا مصر هتحارب ايران ..ده بعد ما ايران خصبت اليورانيوم مصر بعتت وفد لباكستان امبارح علشان يشتري قنبلة نووية

 فى : الجمعة 10 أبريل 2015 - 10:04 م | آخر تحديث : الجمعة 10 أبريل 2015 - 10:04 م

عاد اليوم إلى أرض الوطن الفريق أول صدقى صبحى، القائد العام للقوات المسلحة وزير الدفاع والإنتاج الحربى، بعد انتهاء زيارته للعاصمه الباكستانية إسلام آباد، حيث أجرى خلال الزيارة العديد من المباحثات المثمرة على صعيد التعاون العسكرى وتبادل الخبرات بين القوات المسلحة لكلا البلدين.

https://www.facebook.com/يوميات-مكتب-550741891647752/

"اسلام البحيري ..مسيحي؟

April 6 · 2015 ·

بعد اثارة ضجة حول برنامج اسلام البحيري

الموظفة الاخوانية : هو اسلام بحيري مسيحي ؟

الفلولي : ده اسمه اسلام

الموظف الصعيدي : بيقولوا اسمه مينا اصلا

خللي بالكم من الفيس بوك

الخبر 

الخميس, 02 أبريل 2015 17:18

تداول رواد موقع التواصل الاجتماعي "فيس بوك" صورة لموظفة بالشهر العقاري، وهي تقوم "بتقشير" بعض أنواع الخضروات أثناء تواجدها بالعمل.

April 5 · 2015

الموظف البزرميط : خلوا بالكم علشان صوروا موظفة في الشهر العقاري و هي بتقور كوسة و موظفة تانية نايمة و حطوا صورهم علي الفيس بوك

الست المصرية و الجحش بتاعها

March 10 ·

الموظفين بقوا بيشتروا منتجات من علي المواقع الإلكترونية و بتتوصلهم لحد المكتب كان من ضمن المنتجات دي لاب توب و موبايلات و النهارده العايقة اشترت نضارة شمس من Jumia و جابوها لحد المكتب

March 10 ·

-بوسي رجعت لنور الشريف

-أه بعد العيا (المرض) بتاعه

العايقة : هي دي المرأة المصرية وقت الشدة ..تقف جنب الجحش بتاعها

داعش و "خوفو" سبب إقالة وزير الداخلية

March 7 · 2015

بعد خبر اقالة وزير الداخلية محمد ابراهيم

الفلولي :كان لازم يتشال انتي عارفه داعش بعد ما كسروا التماثيل في العراق قالوا هنكسر خوفو ... هو فيه تمثال ل خوفو في مصر ؟

العايقة : لاء

الفلولي : اتحرقت قاعة خوفو بعدها اللي في قاعة المؤتمرات ..شوفتي الشفرة .. فين رجالتك اللي بيفكوا الشفرة يا بيه فين بتوع المباحث ؟ ده هو المفروض كان يمشي بعد المؤتمر الاقتصادي بس اللي حصل ده خلاه لازم يمشي

قتلوا الكلب ..ولاد الكلب

2015 March 7 ·

قالوا اليوم في ‫

العايقة : مليش انا في جو مدارس الأحد ده

****

الفلولي : ده انا جاي من جنب الاقفاص

***

معلومة : العايقة مسيحية و الفلولي من روض الفرج

2015 March 3 ·

الموظف الصعيدي : شوفتوا الحادثة بتاعة الكلب صاحب الكلب اتخانق مع الجزار فالجزار اشترط انه هو و صبيانه يموتوا الكلب فموتوه بالسكاكين ..ولاد الكلب

ألقت أجهزة الأمن بالقليوبية القبض على المتهمين فى واقعة تعذيب كلب بشبرا الخيمة وقتله فى الشارع مما أثار حفيظة المواطنين بالشارع وأخطرت النيابة فتولت التحقيق.

الخبر 

" وكان المقدم حسن مكاوى معاون الضبط بقسم اول شبرا الخيمة قد تلقى بلاغا من محمد حمدى محمد يتضرر من كل من محمد سيد محمد 21 سنة مالك الكلب ونادر محمد يحيى 32 سنة صديق الأول وذلك لقيامها بترك كلب مملوك للأول بالطريق العام مما تسبب فى إصابة المبلغ وعقره بالخصية وآخر إلا أن المبلغ تنازل عن المحضر وتم الاتفاق بين المبلغ والمشكو فى حقهما على عقد جلسة صلح وتم الاتفاق على أن يتنازل المبلغ عن المحضر شريطة أن يقوم مالك الكلب بتسليمه لهم وذبحه.

وعقب تقديمه للكلب قام المبلغ بالاستعانة بكل من عمرو إبراهيم عطا إبراهيم وشهرته "عمرو الجزار" 28 سنة جزار وأحمد عزت عبد الحميد عبد المعطى 32 سنة وقاموا بتعذيب الكلب وذبحه فى الشارع."

المتحدث العسكري هو اللي أعدم المصريين في ليبيا !

February 28 ·

الموظف المفتي : اللي بيقطع الروس (الرؤوس) في داعش ده كان المتحدث العسكري أيام مرسي.. فيه موقع بتاع المخابرات جاب صورة الساعة و الحواجب

بث تنظيم "الدولة الإسلامية" تسجيلا مصورا الأحد 15 فبراير/ شباط يظهر إعدام 21 قبطيا مصريا على ساحل العاصمة الليبية طرابلس.

وعرض التنظيم، في التسجيل الجديد، جريمة إعدام العمال المصريين بتقنيات وإخراج عالي الجودة، وظهر في التسجيل عملية قطع رؤوس الضحايا المصريين بطريقة بشعة 

داعش من صنع اسرائيل ..و الدليل وزير الدفاع بتاعهم

February 26 · Cairo · 2015 ·

‫#‏يوميات_مكتب‬

الفلولي : عموما لو مأجلوش الانتخابات بتاعة مجلس الشعب ..انا هادي صوتي للجبهة المصرية بتاعة احمد شفيق !

February 18 · Cairo · 2015

‫#‏يوميات‬ مكتب

الفلولي : امبارح وزير الدفاع الاسرائيلي كان في الجولان قالوله هنا داعش و جبهة النصرة قالهم دي متقلقش .. الكلام ده جه ع التليفزيون ..معناه ان داعش هما اللي عاملينها ..أمريكا و اسرائيل

السيسي صفر في الاقتصاد بس مصر هتنافس اوروبا

2015 February 17 · Cairo ·

‫#‏يوميات_مكتب‬

الفلولي اللي من أسبوع مؤيدين السيسي في المكتب كانوا بيتخانقوا معاه عشان بينتقده

الفلولي: دلوقتي بنجيب سلاح من فرنسا و بنعمل مشروع القناة و مليون فدان و مصانع . .مصر خلال سنتين هتعدي دول في اوروبا

February 10 · Cairo · 2015

‫#‏يوميات_مكتب‬

الفلولي : اه احنا لازم نصبر عليه (السيسي ) بس منبقاش مطبلاتيه .. بصي هو في السياسة و الاقتصاد ..صفر سوق سودا في الدولار ..ده فيه ناس رجعت عرابين بضاعة كانوا متفقين عليها

مش مشكلة جمهور الزمالك يموت ..المهم هيبة الدولة متنكسرش

February 10 · Cairo ·

الفلولي بعد ما مات ناس من مشجعي الزمالك كان يعرف اهاليهم أو يعرف اصحابهم في كارثة الدفاع الجوي باعتباره زملكاوي عتيد و علي الرغم من ان اخوه ظابط شرطة

الفلولي : الشرطة غلطانة كانوا خلوهم دخلوا الماتش

أم الفلول : كانوا موتوا بعض جوه

الفلولي : مفيش جمهور تاني ..دي غير بورسعيد

..

العايقة : ما كل اللي بيروحوا دول صيع أصلا

الاخوانية : لاء مش كلهم ما فيهم اللي طالب و اللي مهندس

الفلولي : انا لو عندي وقت كنت رحت معاهم

العايقة : ما أنت صايع

February 9 · Cairo ·

أم الفلول :برضه كانت هتبقي كسر لهيبة الدولة لو كانوا دخلوا الاستاد

مدبحة استاد الدفاع الجوي مقصود بيها زيارة الرئيس بوتين

February 9 · Cairo ·

‫#‏يوميات‬_مكتب

الأحد، 8 فبراير 2015

وصول عدد القتلى إلى 22 قتيل من جماهير القلعة البيضاء في مذبحة دار الدفاع الجوي

بشكل عام الموظفين بيحملوا المسؤولية للمشجعين فيما عدا البزرميط و الموظفة الاخوانية مقالتش موقف محدد بينما الموظف التابع للفلول كان بيحاول يتكلم من الناحية الانسانية انه مش معقول انه الموضوع ينتهي بموت 20 شاب لكن علي طول الباقي كانوا بيردوا عليه بمبررات

العايقة : بعد ما شافت ع الفيس بوك ان تقرير الطب الشرعي مفيهوش خرطوش قالت : هما بقي اللي بهايم

..

الموظف الصعيدي : الحادثة دي مقصودة طبعا ازاي بعد ما الجمهور دخل ييجي 10 تلاف واحد مرة واحدة و عايزين يخشوا

العايقة : آه علشان اللي جاي النهارده (بوتين )

أم العيال : الاخوان هما اللي وراها علشان يثبتوا ان ملهمش دعوة بحادثة بورسعيد فيقولوا اهي حادثة تانية حصلت و احنا مش موجودين

حاطط ايده في جيبه و طالع في الصور و قتلها

February 1 · Cairo · ·

من يومين , و قبل ما النيابة تتهمه

التابع للفلول و أم الفلول

ردا علي انه احتمال تكون الداخلية تكون هي اللي قتلت شيماء الصباغ

- ده فيه واحد بقي ظاهر في الصور هو اللي قتلها

- ايوه اللي حاطط ايده في جيبه و ماشي كده و مش مهتم

= معقول يعني واحد هيشوف واحدة بتتضرب بالنار و يفضل حاطط ايده في جيبه ؟

الكارثة .. مخابرات دولية عارفة ميعاد ماتش الاهلي و الزمالك

January 31 · Cairo ·

التابع للفلول : بس برضه احنا لازم نعترف ان فيه تقصير من الجيش انه تحصل عملية زي دي هما لازم يكونوا مستعدين احنا في حالة حرب

الفلولي : دول اختاروا وقت ماتش الاهلي و الزمالك علشان ينفذوا عملية زي دي ..دي أجهزة مخابرات دولية اللي ورا الموضوع

الخبر :

تفاصيل الهجوم الإرهابى الغادر على جنودنا بسيناء.. مصادر: بدأت بانفجار سيارة مفخخة وهجمات مسلحة.. وتؤكد: سقوط 3 قذائف بالعريش وأخرى بالشيخ زويد.. وإطلاق نار على القوات برفح.. و"بيت المقدس" تتبنى الحادث الجمعة، 30 يناير 2015 -

اكتشاف نفق في سينا طوله 1700 كيلو

December 31, 2014 · Cairo ·

أم العريف : ده امبارح اكتشفوا نفق في سينا طوله 1700 كيلو

بعض الاصوات مصححة : قصدك 1700 متر

أم العريف (مصممة ) : لاء هما كاتبين كده

الموظف الصعيدي : ده من مصر لاسوان 900 كيلو

أم العريف : و قبل كده لقوا واحد تاني طوله 200 كيلو كان جواه مركز طبي و قاعة اجتماعات

December 25, 2014 · Cairo ·

الموظفة الاخوانية (اللي جوزها متوفي من حوالي سنتين وبنتها اتجوزت و عايشة لوحدها ) : تحت العمارة عندنا قهوة بلدي بتوع المعاشات طول الليل صوت قشاط الطاولة بيطرقع

أم العيال و هي بتضحك : جتك خيبة مش عارفة توقعيلك واحد من اللي ع المعاشات