انتخب الاخوان و اضرب نفسك بالجزمة

1. 
   
2. April 18, 2012 near Cairo

   الموظف في نصيحه للموظف اللي استقبل مولود جديد : السنه بقي انك تطلع مبلغ لله من الفضه بنفس وزن شعر الطفل 

April 18, 2012 near Cairo

  كان الكلام عن اوراق جنسية والدة حازم صلاح ابو اسماعيل

الموظف : اصل في امريكا مش بيختموا بختم زي عندنا بيبقي ختم مائي

ام العريف : لاء ختم هوائي 

April 16, 2012 near Cairo

الموظف الصعيدي (اللي اقنع معظم المكتب بانتخاب الاخوان ) : انا باضرب نفسي بالجزمه علشان انتخبت الاخوان

المديرة  اللي انتخبت الاخوان : الناس دي لازم تتلم في السجون تاني !

و حضرتك اخواني ولا برمائي ؟

102

1. April 15, 2012  near Cairo

   الموظف الصعيدي : ماهو ايه اللي مخلي الناس تسرق و تبلطج علشان مش لاقيين شغل
   
   الموظفة (ام العريف) : لاء ده هما بيستسهلوا السرقة عن الشغل 

2. April 15, 2012 near Cairo

   موظف : انا ميهمنيش اللي يمسك البلد يكون اخوان ولا فلول ولا ليبرالي .. المهم يصلحها
   
   الموظف (المفتي) : ايه برمائي دي ؟ —
    
   April 15, 2012 near Cairo 
   
    اتنين من الزملاء اكدوا ان عدد سكان مصر بقي 120 مليون — 

   
   

مصر لعبت مع اسرائيل في دورة ودية في ايران ..اصحوا

1. 
   

1. April 14, 2012 near Cairo

   الموظف المفتي : اه فيه فرق مصرية لعبت مع اسرائيل و مش في كورة اليد بس .. كان فيه دورة ودية في ايران و كنا هنلاعب اسرائيل هناك
   
   ابو نضارة : و لاعبناهم فعلا ؟
     الموظف المفتي : يمكن ... اصل الموضوع اتعتم عليه

2. April  14 ,  2012  near  Cairo

    الموظف المفتي :
   
   - عمر سليمان هو الوحيد في المرشحين اللي تقدر تثق في فكره دلوقتي
   
   - البطاقه خلاص مبقاش بيتحط فيها خانة الديانة انا شفت رئيس جهاز الاحصا و هو بيقول كده في التليفزيون 

   
   

   1. April 13, 2012 near Cairo

       ام العريف : كانوا جايبين الكفراوي امبارح و قال ان قطر بتدعم خيرت الشاطر علشان لما يمسك يديلهم امتياز قناة السويس ل 99 سنه —

الموظفون يقابلون عفاريت ريهام سعيد

April 13, 2012 near Cairo

ابداع جماعي للموظفين

- شفتوا امبارح ريهام اللي علي قناة النهار

- ايوه جايبه واحده بتدمع دم

- دي عليها جن.. الف واحد

- اه دي عشيرة

-منهم واحد اسمه وصاف عايز يتجوزها

- جابولها 3 شيوخ علشان يعالجوها بعديها واحد منهم مات

معندكوش حاجة مخللة ؟

1. April 10, 2012 near Cairo
   2. 
      موظفه جت علي اول الاوضه ثم ابتسمت و قالت : معندكوش حاجه مخلله

2. .............................................

   
   

   الموظف الفلولي : السعودية اعلنت ان ام ابو اسماعيل حجت بالاباسبور الامريكي
   
   الموظفة العايقة - باستنكار و بصوت عالي اللي : و كان ناكر ابن المفضوحه —

حازم ابو اسماعيل تبع ايران .. و عمر سليمان ازهري

April 10, 2012 near Cairo

 الفلولي : هو ابو اسماعيل كان جايب فلوس حملته دي كلها منين؟

موظفة : السعوديه بقي

الفلولي : لاء دي ايران —

April 8, 2012 near Cairo

 الفلولي : جالي رساله ع الموبايل دلوقتي ان فيه واحد مسيحي اتقدم للرئاسه و معاه 30 توقيع من نواب في البرلمان .. انا عارف مين اللي ورا اللعبه دي الاخوان .. اصل هما عارفين ان اصوات الاقباط رايحه لعمر سليمان فهما ادوله الامضاءات علشان يكسبوا اصوات الاقباط .. ادي يا عم اللي بيقولوا قال الله و قال الرسول 

1. 
   
2. 
   April 7, 2012 near Cairo

   الموظفة تاييدا لعمر سليمان : اه ده من قنا و ازهري ! 

هو كل واحد يموت البابا بتاعه يمشي علي حل شعره ؟

3. April 7, 2012 near Cairo

   
   
   الموظف الفلولي : اصل الناس ماكانش عندها اختيار في مجلس الشعب قالوا بتوع الثورة عملا و بتوع الكتله تبع الكنيسه و الوطني فلول .. ده انا انتخبت الحرية و العداله
4. April 7, 2012 near Cairo

   الموظف الفلولي : ده بيقولوا فيه مسيحيين هيروحوا يزوروا القدس
   العايقه  : دي قله و ده مش صح .. هو كل واحد ابوه يموت يمشي علي حل شعره ؟ —

   
   

   
   April 5, 2012 near Cairo

   الموظفين للموظف اللي منتظر المولود : واول ما يتولد تأدنله في ودنه اليمين
   
   موظفة : و تقوله الاقامة في ودنه الشمال
   
   موظفه و جده (عن حفيدها) : ايوه عارفه حفيدي دلوقتي لما يسمع الادان يسكت كده و يقول (دان دان) علشان اول ما اتولد اتدنا في ودنه اليمين 

   
   

   78