January 29, 2012 near Cairo
الفلولي : احنا عندنا موظف في القسم اللي تحت حاطط نفسه من ضمن المصابين و قايل ان عينه طارت
العايقة : بس هما هيكشفوا عليه
الفلولي : ماهو بقي مع الصوت العالي و كده .. ده اصلا لما كان بيتخانق مع مديره بيروح يعتصم في خيمة في التحرير .. علشان تعرفي ان كل اللي في التحرير دول عندهم امراض نفسية
العايقة : بس هما هيكشفوا عليه
الفلولي : ماهو بقي مع الصوت العالي و كده .. ده اصلا لما كان بيتخانق مع مديره بيروح يعتصم في خيمة في التحرير .. علشان تعرفي ان كل اللي في التحرير دول عندهم امراض نفسية
الفلولي: العفاريت بتبقي منتشرة قوي في اسكندرية
موظف : ليه؟
ام الفلول : علشان الشقق المتأجرة دي بيكون فيها حصل جرايم و كده
العايقة : زمان كان فيه ولد عندنا في المنطقة كان بيقف يعاكس البنات و بعدين الناس اشتكت لاخوه فمرة راح اتخانق معاه و طلع مطوة و ضربه بيها .. واحد جارنا نقله في عربيته للاسعاف بس مات في العربية .. فضل كل يوم في نفس الميعاد يسمع اصوات غريبة في العربية .. و قعد يشغل فيها قران بس برضه فضل ده يحصل .. و معرفش يبيع العربية ولا يركبها .. و لسه راكنها لحد دلوقتي مبيستعملهاش
