أدب ألماني..استغفر الله العظيم

September 23, 2015 ·

‫‬

من اسبوعين

انا في المكتب بس مش قاعد علي مكتبي و دخلت موظفة من قسم تاني معروفة بانها اخوانية من النوع السوبر و شافت كتاب علي مكتبي عن تاريخ الادب الالماني فسألت بتاع مين ده فقالها الزملاء الموظفين بتاع الاستاذ  المثقف بتاعنا

فبصتلي و قالت : ايه ده يا عم  اذكر الله و اقرا في المصحف 
احسن ..و استغفر ربنا و كفاية

لمتابعة صفحة "يوميات مكتب" علي الفيس بوك

نعم لبقاء الوزارة ولتغييرها

September 12, 2015 ·

. التغيير الوزاري

السيسي يكلف وزير البترول شريف إسماعيل بتشكيل الحكومة بعد استقالة محلب

قبل التغيير بقليل

الفلولي :و مفيش غير وزير الزراعة اللي داخل في في موضوع الفساد .. الاخوان هما اللي مطلعين اشاعات علي باقي الوزرا يعني هما متغاظين وزير الاوقاف علشان شالهم من الجوامع و مسك صناديق التبرعات

** بعد التغيير**

الفلولي : كده واضح ان السيسي بتجيله فعلا تقارير عن حالة الناس عاملة ايه

التابع للفلول : بس التغيير ده اتأخر

الفلولي : انا معاك مش معقول فعلا ان موظف الحكومة 
ميزيدش مرتبه من 30 ستة لحد دلوقتي دي عمرها محصلت

تابعونا علي صفحة "يوميات مكتب"

عن طالبة الصفر ..طائفية و تعاطف و فتنة

September 2, 2015 ·

‫#‏يوميات_مكتب‬

الموظفين و مريم صاحبة صفر الثانوية العامة

العايقة اللي كانت دايما بتصدق مؤسسات الدولة و بتصدق كل الوزرا و المسؤولين ..متعاطفة جدا و متحمسة للطالبة و ده طبعا لأسباب ليها علاقة بأن الطالبة مسيحية الديانة.

الموظفة الاحوانية متعاطفة مع الطالبة لاسباب انسانية و لعدم ثقة في مؤسسات الدولة

التابع للفلول : ماهو وزير التعليم اللي غلطان كان المفروض لما لقي الموضوع كده و البنت مستواها كويس و لقي الموضوع هيعمل فتنة طائفية كان عمل ليها امتحان تاني

لمتابعة صفحة "يوميات مكتب" اضغط هنا

احترس من الموز

August 14, 2015 ·

‫#‏يوميات_مكتب‬

الموظفة الصعيدية ..بعد ما بصت في التابلت بتاعها

تسأل في اهتمام و تصديق : ايه ده اللي ياكل بيض مسلوق و بعديه موز ..يموت ؟

تابع صفحة "يوميات مكتب " علي الفيس بوك

تهديد من أمن الدولة

August 13, 2015 ·

‫#‏يوميات_مكتب‬

معلومة مهمة : بطلة القصة دي أرملة مسيحية علي المعاش

العايقة : اسكتي ع اللي حصل امبارح .. واحد كلم أختي علي الموبايل فبتقوله مين معايا قالها انا من أمن الدولة قالتله عايز مين .. قالها التليفون ده عامل بلاوي و احنا هنقبض علي صاحب التليفون قالتله انا ست كبيرة و مليش دعوة بالموضوع قالها احنا متسجل عندنا ان التليفون ده عامل مصايب و هنقبض علي صاحبه .. و قفل السكة ..فاتصلت بابنها (محامي ) بتحكيله فقالها اقفلي انا جايلك ..راح لقاها حاطه هدومها في شنطة جنب الباب و قاعدة خايفة و مستنية أمن الدولة ييجوا يقبضوا عليها ..ابنها خد النمرة اللي اتصلت و دور في البرنامج اللي بيطلع النمر و اتصل بيه و اتخانق معاه و شتمه فطلع انه واحد بيعمل الحركة دي في الناس ولا هو أمن دولة ولا حاجة ..فانا باقولها معقول تروحي تحطي شنطتك و تصدقي علي طول ده انتي كنتي مديرة علي موظفين ..قالتلي ماهو قالي انه من أمن الدولة

لمتابعة صفحة "يوميات مكتب " علي الفيس بوك ..اضغط هنا

كيف تسب الدين للمسيحيين بدون مشاكل ؟

August 12, 2015 ·

‫#‏يوميات_مكتب‬

معلومة ..الموظف الصعيدي بيشتغل بعد الضهر في شركة صاحبها مسيحي و معظم اللي شغالين فيها مسيحيين .. احتفظ بهذه المعلومة عزيزي القاريء

الموظف الصعيدي وهو عموما بيحب يشكي عن متاعبه و مشاكله و شقاه : منفعلا

و نزلنا نشتغل تاني يوم العيد و مبنعملش حاجة ده شركة يهود ..يلعن دين أبوهم

........

بعد ما العايقة طلعت من المكتب

بعض الموظفين :مينفعش تسب الدين ..برضه ميصحش

الصعيدي : انا مبسبش الدين ..انا قولت دين أبوهم هو أبوهم ليه دين ؟

تابعوا صفحة يوميات مكتب علي الفيس بوك

انا معترضة علي القانون و علي اللي هيعمل مظاهرة ضده

August 10, 2015 ·

العايقة اللي معترضة علي قانون الخدمة المدنية الجديد من مبدأ ما يسيبونا زي ما احنا و يغيروا النظام ليه

الفلولي : الداخلية مرضيتش تدي تصريح بمظاهرة لبتوع الجمارك و المالية اللي معترضين علي القانون النهارده

العايقة : أحسن البلد مش ناقصة قلق

الفلولي : و البلد برضه مش ناقصه بلبله ما يستنوا مجلس الشعب لما ييجوا هو وزير التخطيط مصمم علي القانون كده ليه ؟

تابعوا صفحة "يوميات مكتب" علي الفيس بوك