هو فيه يهود مصريين ..طب هو فيه يهود عرب ؟ ..الاخوان هيموتوا مرسي علشان الشاطر

January 8, 2013 near Cairo

التابع للفلول : ربنا يسامحك يا حسني و ينتقم من ولاده و مراته هما اللي ضيعوه ...الفترة اللي جاية هتعرفنا الفرق بين واحد قلبه علي البلد وواحد قلبه علي اهله و عشيرته

January 7, 2013 near Cairo

الفلولي عن التعديل الوزاري

التعديل جه علشان خايفين من 25 يناير الجاي .. مرسي غير وزير الداخلية علشان يقمع المتظاهرين يوم 25 يناير و غير وزير الاتصالات علشان يلعب في النت يوميها و غير وزير الكهربا علشان يقطع النور و الاعداد متبانش 



January 6, 2013 near Cairo

الفلولي : ده قطر اشترت بنك الاهلي سوسيتيه جنرال .. مش ابن حضرتك بيشتغل فيه ؟

HSBC  المديرة : لاء انا ابني بيشتغل في ال

الفلولي : اه ماهو ده الاهلي سوسيتيه جنرال

المديرة : لاء الاهلي سوسيتيه بالانجليزي اسمه 
NSGB
HSBC  الفلولي : امال ال 

اسمه ايه بالعربي ؟

January 2, 2013 near Cairo

الفلولي : الاخوان عاوزين يمسكوا الشاطر رياسة الوزرا علشان لو مرسي جراله حاجة في الدستور الجديد رئيس الوزرا هو اللي يمسك لحد الانتخابات و ممكن كمان هما يموتوا مرسي و يقولك ده حد تاني اللي عملها و يمسكوا الشاطر 


January 1, 2013 near Cairo

بعد تصريح عصام العريان عن الترحيب بعودة اليهود المصريين

-شوفتوا اللي عصام العريان قاله ؟

المديرة : هو فيه يهود عرب ؟

الفلولي : اه و كان فيه يهود مصريين ؟

الثورية : و ايه اللي جابهم عندنا ؟ 

مرة واحد طلق مراته علشان سمت بنتها جومانا ..و التانية قالت لجوزها عند أمك

December 31, 2012 near Cairo

الموظف الثوري \ اخواني : انا ابن خالي كان مسافر و عامل توكيل لمراته علشان تسمي بنته لما تولد قامت سميتها جومانا و هما كانوا متفقين علي جانا .. قام طلقها 

December 29, 2012 near Cairo

العايقة : مش انت قولتلنا انه  اللي مسك المكان اللي احنا شغالين فيه مش اخوان ؟

الفلولي : لاء هو اخوان بس من الخلايا النايمه

العايقة : و جاي يصحي هنا ؟ 

December 27, 2012 near Cairo

ام العيال : كنت زمان اقشر لجوزي السمك ..دلوقتي باحطهوله زي ما هو و اقوله لو مش عايز تاكل بلاش .. بيقولي ده امي كانت بتجيبلي الاكل في السرير ..قولتله ...ده عند امك — 

December 23, 2012 near Cairo

النهارده العايقة 

جابت معاها كزبرة و قعدت تقطفها علي المكتب و تبتعمل ده في همة و نشاط .. و بعد ما خلصت بصتلنا و قامت قايلة 

" ها تاكلوا يا ولاد دلوقتي ولا تستنوا لما بابا ييجي؟ "

December 23, 2012 near Cairo

الموظفة الصعيدية :مراة اخويا ولدت و ابنها دخل الحضانة (للمولودين حديثا) ..هي السبب خلت الدكتور يولدها بدري عن ميعادها علشان تولد يوم 12-12-2012 

هو اللي في دولاب المكتب ده كومبيليزون ولا بيبي دول ..و احنا بقي عايزين نمشي علي حل شعرنا

December 20, 2012 near Cairo

عندنا في المكتب دولاب قديم كبير كده بيحطوا فيه الاوراق القديمة و الدفاتر القديمة

كانت العايقة فاتحة الدولاب ده و بتجيب منه حاجه 

البزرميط : بتجيبي ايه من الدولاب ؟

العايقة :باجيب كومبيليزون 

البزرميط : احنا بنسميه بيبي دول

العايقة : لاء ده غير ده ضحكوا عليك يا عبيط

December 19, 2012 near Cairo

الموظف الثوري \الاخواني  :ماهو انا سمعت المبرر بتاع الاحتجاز بتاع ال 12 ساعه و اقتنعت بيه ماهو لو الشرطة قبضت علي واحد في 6 اكتوبر و عايزة توديه مصر الجديده ماهو ده بياخد وقت طويل ده الواحد علشان يتحرك من الدقي للمهندسين بياخد 3 ساعات .. افرض ال 12 ساعه خلصوا و هما في الطريق يفرجوا عنه يعني ؟ 

December 18, 2012 near Cairo

 الفلولي عن الاستفتاء

- النتيجة الحقيقية 80 في الميه قالوا لاء من غير التزوير

  اصل انا عندي الاوروبي السي ان ان قالت ان الاخوان ادت درس للعالم ..في التزوير

- علشان تعرفوا ان ربنا حامي مصر ..شوفتوا عمل ايه في هيلاري كلينتون

.....

ام العيال و الاستفتاء

ام العيال : وواحده قعدت تسألني و احنا في الطابور هتقولي ايه و انا جوزي كان قايلي ماقولش علشان مندخلش في خناقات .. و سمعتها قاعده بتتكلم لقيتها بتقول دول مش عايزين الناس تقول نعم علشان يلبسوا المحزق و الملزق .. فمقدرتش امسك نفسي و قولتلها ده مرسي ده منظر و المرشد و الشاطر هما اللي بيحركوه قالتلي ده راجل طيب قولتلها ماهما جابوه علشان طيب و يتحكموا فيه .. احنا بقي عايزين نمشي علي حل شعرنا —

علي بن ابي طالب ليس هو والد الحسن و الحسين .. و المحكمة الدستورية تستعد لمجدي عبد الغني

December 12, 2012 near Cairo

البزرميط :انا من عيلة الجعفري و الجعفري ده هو اصل الاشراف

المفتي : مين الجعفري ده ؟

البزرميط : ده جوز بنت الرسول

المفتي : مين في بنات الرسول

البزرميط : جوز فاطمة ده هو ابو الحسن و الحسين

المفتي: امال سيدنا علي ده كان بيعمل ايه؟ 

December 4, 2012 near Cairo

المديرة : و هي ليه المحكمة الدستورية بتعترض دلوقتي .. طب ما امبارح واحد من الاخوان قال انه سنة 1990 طلع حكم بعدم دستورية مجلس الشعب و مبارك منفذوش لانه من اعمال السيادة اشمعني دلوقتي

الفلولي : اولا الكلام ده محصلش سنة تسعين دي كان فيها الزلزال و كنا بنستعد لكاس العالم

December 3, 2012 near Cairo

واحده عندنا في المكتب غلطت و بعتت مرتب موظفة علي بنك غلط , فالموظفة جت تشتكي و الشيك لسه مرجعش من البوسطه فالموظفة انفعلت علي زميلتنا و قامت قايلة

- شوفوا النهارده كام في الشهر مينفش كده ده انا باصرف علي اسرة و جوزي مش موجود

اول ما مشيت

العايقة : ماهو طبيعي انه يطفش 

ستة مليون متظاهر اخواني عند جامعة القاهرة ..و اياكش تولع حماتك

December 2, 2012 near Cairo

الموظف الثوري \ الاخواني : ايوه انا كنت امبارح عند جامعة القاهرة .. ا ل سي ان ان قالت ان العدد امبارح كان 6 مليون هناك 

December 2, 2012 near Cairo

بياعة الخضار :ده المحلة والعة كنا هنروح انا و جوزي لحماتي بس معرفناش

العايقة : كويس ما يمكن 

December 2, 2012 near Cairo

الفلولي : الدستور ده اصله فيه مواد خطر جدا و الاخوان عايزين يمرروها .. يعني مادة بتقول ان مدة فترة الرئاسة 4 سنوات و تجدد فترة اخري .. مقالوش الفترة الاخري دي قد ايه يعني ممكن يقعدوا مدي الحياة 

شيك بمليون جنيه من الاخوان ل 6 ابريل ..و يا رب مرسي يموت

November 29, 2012 near Cairo

الفلولي بعد ما نزل التحرير اعتراضا علي الاعلان الدستوري لمرسي : الاخوان كانوا مديين شيك بمليون جنيه لاحمد ماهر بتاع 6 ابريل علشان يعملوا قلق و يبوظوا اليوم بس الداخليه كشفتهم 

November 25, 2012 near Cairo

االفلولي بعد ما راح التحرير اعتراضا علي الاعلان الدستوري لمرسي

- انا كنت واقف في الصينية .. الصينية مليانة مؤيدين لشفيق :

-و كان فيه هناك اجانب و ناس فاهمه في السياسه .. حاجه حلوة 

November 22, 2012

تعليقا علي  حادث قطار اسيوط

الموظف الصعيدي : ده فيه واحد بيشوف ابنه اللي في حادثة القطر لقاه ساجد

November 20, 2012 near Cairo

ام العريف : اخت مرسي ماتت 

ام العيال : احسن .. ان شا الله عيلته كلها

التابع للفلول : وهو كمان

ام العريف : و الاخوان كلهم

أمريكا قتلت عمر سليمان ..و قواعد عسكرية لاسرائيل في السودان

November 20, 2012 near Cairo

الموظفة الصعيدية : حد قرا الدستور الجديد ؟

- صمت من الموظفين بمعني لاء

الصعيدية : بيقولوا فيه ماده تخلي مرسي ممكن يبيع حتة من مصر 

November 18, 2012 near Cairo

الموظف التابع للفلول : نحارب اسرائيل ! .. اسرائيل عندها قواعد في السودان و في ليبيا هننضرب من هنا و 

هناك

November 17, 2012 near Cairo

الفلولي : سبب الضرب اللي في غزة ان اسرائيل عارفه ان مرسي مش هيطول .. فعايزة تودي الفلسطينيين سينا قبل ما يمشي 

November 1, 2012 near Cairo

الفلولي : وهو مين اللي موت عمر سليمان ؟ امريكا جندت ناس في سوريا فجروه .. هو حد

   !من عيلته عرف يشوف جثته