أم الفلول : و بنتك عاملة ايه (مولودة حديثا)
الموظف المفتي : الصفرا زيادة عندها
أم الفلول : شغل لها اللمبة النيون و اديها ميه بسكر هتبقي كويسة
الخميس، 5 يناير 2017
الجمعة، 23 ديسمبر 2016
فاكرة لما الشرطة فرمت السودانيين ؟
December 7, 2015
وهاجمت القوات، المعتصمين بالميدان – وبينهم نساء واطفال ومسنين – وبدايةً فتحت عليهم خراطيم مياه سيارات الإطفاء، ثم الغاز المسيل للدموع، والضرب بالهروات والعصي والعصي الكهربية. وأدي الاعتداء الوحشي لقوات الأمن المصرية علي اللاجئين الي مقتل (27) بحسب بيان الداخلية المصرية، لكن منظمات حقوقية مصرية وصحف ذكرت ان عدد القتلي بلع الـ(50) قتيلا، واصابة نحو (300) بإصابات بالغة وجروح وكسور
· العايقة : البشير بيقولك عايز حلايب و شلاتين
أم الفلول (بفخر ) : فاكرة لما الشرطة فرمتهم و شالتهم في مصطفي محمود ؟
العايقة : آه ..حبة
سود معفنين
الخميس، 24 نوفمبر 2016
لماذا قامت الموظفة بتهريب ..الوزة ؟
التابع للفلول : ايه الموضوع بتاع الوزة ده ؟
الموظفة الصامتة (تبتسم و تحكي ): الناس اللي في العمارة اللي ورانا اللي كانوا قبل كده خلوا الصرف بتاع الحمام عندهم ينزل علي عمارتنا لدرجة ان الصرف اثر علي سلم البيت و لمينا عشرتلاف جنيه علشان نعمل سلم جديد لما يوميها مجيتش الشغل علشان كانوا بيعملوه ..من قريب ابتدوا يربوا طيور علي السطح عندهم وز و بط و فراخ و كل يوم اصوات الطيور دي في الفجر تعمل دوشة و ازعاج غير المخلفات بتاعتها اللي بتنزل ع السلم عندنا ..من كام يوم و انا نازلة بدري علشان الشغل لقيت وزة طارت من عندهم و جات السلم عندنا ..قمت واخداها لحد أول الشارع و سبتها هناك ..جم بعديها يسألوا عليها قولنالهم منعرفش حاجة و ملقوهاش بعدها بيومين وزة تانية برضه عملت فيها نفس الموضوع ..قاموا عملوا سور خشب علشان مفيش حاجة تقع عندنا ..ما كان من الأول
الخميس، 3 نوفمبر 2016
مجلس شعب بشراء الأصوات
الفلولي: الظاهرة اللي واضحة فعلا المرة دي ظاهرة المال السياسي ..أول يوم عندنا (روض الفرج و الساحل) الصوت وصل 300 جنيه تاني يوم وصل 600 و 700
الثلاثاء، 18 أكتوبر 2016
مجلس الشعب انتخاب عشوائي
"انتخابات مجلس الشعب 2015 "
التابع للفلول : و انت هتنتخب ؟
الموظف الصعيدي(ساكن في فيصل ) : انا مرحلة أولي رحت انتخبت ..كنت راجع من الشغل باليل .. قعدت مش عارف اختار مين و انا جوه اللجنة.. ماانا معرفش حد و بعدين اخترت اتنين واحد دكتور و التاني مهندس و القايمة اخترت "في حب مصر "
الأربعاء، 12 أكتوبر 2016
انتي كبشة
بعد ما تدخلت أم الفلول علشان تحل مشكلة و تتحمل هي شغل زيادة
الموظفة الخائفة من شيء ما : معلش انتي دايما بتبقي "كبشة" الفدا
الأحد، 25 سبتمبر 2016
أمريكا و بريطانيا وراء هجمات داعش في باريس
الفلولي : ده اوباما طلع و قال لرئيس فرنسا انه يقدر يجيب اللي عملوا العملية في يومين يبقي هو اللي وراها
أم الفلول :الأمريكان و البريطانيين هما اللي ورا العملية دي
الفلولي : آه علشان فرنسا و روسيا معانا ..هما كانوا هيسيبوا الجيش يبقي معاه كل التسليح ده و يسكتوا
الاشتراك في:
الرسائل (Atom)