انا معترضة علي القانون و علي اللي هيعمل مظاهرة ضده

August 10, 2015 ·

العايقة اللي معترضة علي قانون الخدمة المدنية الجديد من مبدأ ما يسيبونا زي ما احنا و يغيروا النظام ليه

الفلولي : الداخلية مرضيتش تدي تصريح بمظاهرة لبتوع الجمارك و المالية اللي معترضين علي القانون النهارده

العايقة : أحسن البلد مش ناقصة قلق

الفلولي : و البلد برضه مش ناقصه بلبله ما يستنوا مجلس الشعب لما ييجوا هو وزير التخطيط مصمم علي القانون كده ليه ؟

تابعوا صفحة "يوميات مكتب" علي الفيس بوك

المذيعين و الموظفين

August 10, 2015·

‫#‏يوميات_مكتب‬

النهارده الصبح و انا في المكتب كنت باسمع برنامج علي اذاعة نغم اف ام و كان موضوع الحلقة عن الحشرية اللي عند المصريين و جت مكالمة من متصلة كانت بتشتغل طول عمرها في القطاع الخاص و راحت مكان في القطاع العام بقالها سنتين اتضح من سياق الحديث مع المذيعين انه غالبا (ماسبيرو ) لأنهم اتكلموا عن تجارب مشابهة مع نفس المكان من غير ما يقولوا اسمه و ابتدت تتكلم عن صدماتها بداية من الاسانسير و تزاحم الناس فيه و تطفلهم و الناس اللي بتبيع بهارات و اللي بيبيعوا بارفانات مضروبة و انا قاعد باسمع المكالمة في ودني و بابتسم و بابص للموظفين و هما في حكاياتهم المعتادة

تابعونا علي صفحة الفيس بوك

سر عدم حضور بوتين لحفل قناة السويس

أصداء حفل افتتاح قناة السويس الجديدة

August 8, 2015 ·

‫#‏يوميات_مكتب‬

الفلولي : بوتين بقي مجاش ليه ..علشان هو متخانق مع رئيس فرنسا فمكانش هينفع ييجي لانه مكانش هيرضي يسلم عليه .

العايقة النهارده جات لابسه جاكيت أبيض و بادي أحمر و بنطلون اسود

August 9, 2015 ·

العايقة النهارده جات لابسة جاكيت اسود و بلوزة بيضا و بنطلون أحمر

تابعونا علي صفحة اليوميات علي ال (فيس بوك )

https://www.facebook.com/يوميات-مكتب-550741891647752/

بوسي و الليثي في مكتب حكومي ..و ربنا يخلي "ريفال"

August 7, 2015 ·

‫#‏يوميات_مكتب‬h

بداية الموضوع كانت لما العايقة شغلت علي الفلاشة أغنية لمحمود الليثي و بوسي و حد قالي ان الليثي كان شغال مهندس

الموظفة الاخوانية : و عزت أبو عوف ساب الطب بس عيلته شكلهم كلهم ولاد ناس

الفلولي : علشان أبوهم.. أبو عوف

التابع للفلول يسأل في جدية : بتاع المكسرات ؟

* أبو عوف مستورد شهير لأنواع المكسرات

August 6, 2015 ·

‫#‏يوميات_مكتب‬

العايقة (و هي مبسوطة بعد ما بصت في التابلت بتاعها ) : واحدة سمت بنتها "ريفال" علي اسم الطيارات الجديدة

https://www.facebook.com/يوميات-مكتب-550741891647752/

لو حرامي سرقك .. لوم نفسك

August 3, 2015 ·

بعد ما موظفة في مكتب تاني هو مكتب سكرتارية رئيس المكان اللي شغالين فيه اتسرق الموبايل بتاعها من المكتب و بعد ما موظفة حكت ان شنطة أختها اللي جاية من بره اتسرقت من محطة القطر اللي في رمسيس و الموظفين قالوا ان السرقة انتشرت ..بس محدش جاب سيرة الشرطة ولا حد وجه اللوم لأي مسؤول اللي قالوه ان الواحد يخلي باله كويس

تابعوا صفحة "يوميات مكتب " علي الفيس بوكhttps://www.facebook.com/يوميات-مكتب-550741891647752/

جوزي جايب خمرة لولادي

2015 ,July 26 ·

‫#‏يوميات_مكتب‬

حكاية الحشيش بتاعة أم العيال كانت جت سيرتها بسبب قصة تانية

أم العيال (جوزها بيشتغل في الوزارة اللي احنا تابعين ليها ) : أصل انا جوزي بتشتغل معاه واحدة (ذات منصب رفيع ) فكانت مسافرة عند بنتها و لما رجعت جابتله شيكولاته هدية فجابها و حطها في التلاجة ..فالعيال عندي كلوا من الشيكولاته دي و بطنهم وجعتهم فباقول لجوزي فقالها ..قالتله لاء الشيكولاته دي للكبار فقط ..اتاريها شيكولاته فيها خمرة فلما عرفت كده قمت رامياها في الزبالة

https://www.facebook.com/يوميات-مكتب-550741891647752/

طفل الحشيش

July 26 · 2015

‫#‏يوميات_مكتب‬

أم العيال : و انا قاعدة عند الدكتور لقيت الست اللي دخلت قبلي ابنها عنده 3 سنين عينيه حمرا قوي و دايخ و مش قادر يقف عنده ايه ..قالتلي اصله بلع حاجة بس مرضيتش تقولي ايه هي ..فلما دخلت للدكتور سألته عليها قالي أن ابنها بلع حتة حشيش ..جوزها كان بيحشش مع اصحابه و كان فيه حتة حشيش الواد لقاها في الارض فبلعها و قالي انه بعتها لدكتور معرفة في مركز السموم علشان الموضوع ميوصلش للبوليس

https://www.facebook.com/يوميات-مكتب-550741891647752/