الكارثة .. مخابرات دولية عارفة ميعاد ماتش الاهلي و الزمالك

January 31 · Cairo ·

التابع للفلول : بس برضه احنا لازم نعترف ان فيه تقصير من الجيش انه تحصل عملية زي دي هما لازم يكونوا مستعدين احنا في حالة حرب

الفلولي : دول اختاروا وقت ماتش الاهلي و الزمالك علشان ينفذوا عملية زي دي ..دي أجهزة مخابرات دولية اللي ورا الموضوع

الخبر :

تفاصيل الهجوم الإرهابى الغادر على جنودنا بسيناء.. مصادر: بدأت بانفجار سيارة مفخخة وهجمات مسلحة.. وتؤكد: سقوط 3 قذائف بالعريش وأخرى بالشيخ زويد.. وإطلاق نار على القوات برفح.. و"بيت المقدس" تتبنى الحادث الجمعة، 30 يناير 2015 -

اكتشاف نفق في سينا طوله 1700 كيلو

December 31, 2014 · Cairo ·

أم العريف : ده امبارح اكتشفوا نفق في سينا طوله 1700 كيلو

بعض الاصوات مصححة : قصدك 1700 متر

أم العريف (مصممة ) : لاء هما كاتبين كده

الموظف الصعيدي : ده من مصر لاسوان 900 كيلو

أم العريف : و قبل كده لقوا واحد تاني طوله 200 كيلو كان جواه مركز طبي و قاعة اجتماعات

December 25, 2014 · Cairo ·

الموظفة الاخوانية (اللي جوزها متوفي من حوالي سنتين وبنتها اتجوزت و عايشة لوحدها ) : تحت العمارة عندنا قهوة بلدي بتوع المعاشات طول الليل صوت قشاط الطاولة بيطرقع

أم العيال و هي بتضحك : جتك خيبة مش عارفة توقعيلك واحد من اللي ع المعاشات

(عملية صيد الفئران )..السم في الفلفل 2-2

December 18, 2014 · Cairo ·

+تحذير ..اذا كنت ممن يشعرون بالاشمئزاز من الفئران فلا تقرأ هذا الموضوع

مع استمرار الفار في ترك مخلفاته علي المكاتب .. امبارح دخلت المكتب بابص لقيت حاجة سودا علي المكاتب افتكرتها مخلفات الفار بس هي كان شكلها مختلف شوية

- ايه ده يا جماعة ؟

= ده فلفل اسود

- نعم ؟!

= أصل فيه حد قال ان الفار مبيحبش الفلفل الاسود و ان ده بيطفشه فجبنا فلفل اسود من عم حسن بتاع العطارة اللي بيعدي هنا و رشيناه علي المكاتب بس مبترميهوش انت لمه في منديل و آخر اليوم افرشه علي المكتب تاني

عملية صيد الفئران في مكتب حكومي.. بين قوسين (اللي خايف يروح )

December 14, 2014 · Cairo ·

‫#‏يوميات_مكتب‬

+تحذير ..اذا كنت ممن يشعرون بالاشمئزاز من الفئران فلا تقرأ هذا الموضوع

( عملية صيد الفئران )

الجزء الأول ..

ابتدي اليوم امبارح علي صوت صريخ و صويت من الاوضة اللي جنبينا.. الموظفين

اتخضوا راحوا يشوفوا فيه ايه .. واحدة بتفتح درج مكتبها لقت فار ميت فيه ..

بعد شوية

صوت صويت و صريخ تاني

فار تاني ظهر بس المرة دي صاحي (واضح انه جه علشان ينتقم ) ..الفلولي و

الفراش كانوا (ايد واحدة ) و قدروا انهم يموتوه ...بينما كان فيه موظفة فوق ال

50 سنة طلعت وقفت فوق المكتب بسبب خوفها من الفار

لكن اليوم كانت هناك مفاجأة غير متوقعة ...

انتظرونا في الجزء الثاني

صباح بترقص دبكة في جهنم

December 12, 2014 · Cairo ·

‫#‏يوميات_مكتب‬

تاني يوم جنازة صباح

الفلولي : شوفتوا الولية المجنونة امبارح ..انا قاعد في المحل و مشغل cbc اكسترا علشان بتنقل لو فيه احداث و الاقيهم جايبين جنازة صباح.. طب هي ولية بنت مجنونة ازاي هما يطاوعوها و يجيبوا دبكة و فرقة رقص في الجنازة

العايقة : ولو دي برضه وصيتها و لازم تتنفذ

الفلولي : دي مجنونة

التابع للفلول : زمانها بترقص دبكة في جهنم دلوقتي

...

العايقة فضلت باقي اليوم قافشة و متضايقة من المكتب بسبب الحوار ده

سامي يوسف سويدي ..و ميكروفيلم سفير قطر

December 12, 2014 · Cairo ·

معلومة من الموظف الصعيدي

"سامي يوسف اللي بيغني اغاني دينية .. سويدي من اصل لبناني "

December 2, 2014  · Cairo ·

" قال مصدر أمني بمطار القاهرة الدولي، إن حذاء السفير القطري 

بمصر، حمد سيف بوعينين، تسبب في أزمة بالمطار، بعد أن 

رفض خلعه والخضوع لإجراءات التفتيش الخاصة بالمطارات، 

خلال إنهاء إجراءات سفره إلى الخرطوم "

أم العريف : شوفتوا جزمة سفير قطر

العايقة : آه ابن الجزمة

أم العريف : أكيد كان فيها ميكروفيلم علشان كده راح غيرها بجزمة تانية و سافر

العنتيل السلفي خلي منظرنا وحش قدام المسيحيين و بيحصل في الكنيسة أكتر من كده

November 18, 2014 · Cairo · ·

في غياب العايقة

الفلولي بيشتكي من موظفين الضرايب المسيحيين اللي بيراجعوا علي محل ابوه

التابع للفلول بيتكلم عن المسيحيين ولاد ال .. اللي بيشتروا الاراضي في شبرا

الموظف الصعيدي متضايق من العنتيل السلفي لانه بيكسفنا قدام المسيحيين بينما بيحصل في الكنيسة اكتر من كده

موظفين مؤيدين النظام ..مع 30 يونيو و السيسي و بيشتموا الاخوان و السلفيين و داعش بس موقفهم من المسيحيين مبيتغيرش