November 11, 2014 · Cairo
·
العايقة و هي بتشوف الاخبار ع التابليت : معالي زايد ماتت ؟
أم العريف : أه نفس مرض أحمد زكي كانسر (سرطان )علي الصدر ..من السجاير و الخمرة
المديرة الجديدة : آه الخمرة
الأربعاء، 12 أغسطس 2015
الاثنين، 10 أغسطس 2015
انا عايزة أضرب بالرشاش اللي واقف يتفرج علي المظاهرة
November 8, 2014 · Cairo ·
بعد حكايات عن استمرار المظاهرات في "عين شمس " حيث تسكن العايقة و في "فيصل حيث تسكن أم الفلول و انه فيه حد مات في عين شمس مش عارفين برصاص الشرطة ولا برصاص الاخوان
أم الفلول :انا لو عليا امسك رشاش و اضرب بيه كل اللي في المظاهرة و كل اللي ليه دعوة و اللي ملوش دعوة و اللي واقف يتفرج كمان
October 27, 2014 · Cairo ·
البزرميط اتحفنا بمعلوماته العامة اللي كان ابرزها ان القمر نجم
الخميس، 6 أغسطس 2015
لو الواد الصغير حط صباع رجله في بقه يبقي ..
October 2, 2014 · Cairo ·
بعد حوار طويل بين "أم العيال " عندها 5 اطفال و الموظف الصعيدي متجوز من حوالي 3 سنين و عنده ولدين ..اشتمل الحوار علي عبارات " العيال عزوة " و "كل عيل بييجي برزقه " و "ربنا يرزق الناس بالعيال " كان ختامه
الصعيدي : فعلا .. ده انا لقيت ابني وهو صغير بيحط صباع رجله في بقه (فمه ) و يمصه ..سألت.. قالولنا ده كده هيجيله أخ ... و فعلا بعديها ربنا رزقنا بالتاني
الاثنين، 3 أغسطس 2015
عرض قوي من جيمس كاميرون للسيسي
September 29, 2014 · Cairo ·
و بعد مديح للسيسي و خطابه في الأمم المتحدة
أم الفلول : ده الراجل بتاع بريطانيا
الفلولي : آه كاميرون
أم الفلول : آه.. عرض علي السيسي الانضمام للاتحاد الاوروبي
الثلاثاء، 28 يوليو 2015
صور لعلياء المهدي و حاطين شريط اسود علي ..
أم الفلول : دول كانوا جايبين ع النت صور لعلياء المهدي علشان هي ضد داعش
الموظفة الصعيدية : آه انا شفتها بس كانوا حاطين شريط أسود
العايقة : علي وشها ؟
الصعيدية : لاء علي .. ( و توحي بملامحها انها تقصد الاماكن الحساسة )
العايقة : طب و يبقي ايه لازمتها علي رأي المثل " عينه في البيعة و يقول يفتح الله "
الجمعة، 24 يوليو 2015
ممكن يحصل تقفيش في المكتب
كان حصل مشكلة في الاوضة التانية للقسم بتاعنا
الموظف الصعيدي : طب انا هاروح هناك اشوف ايه الحكاية
الموظف المفتي : لاء لو رحت انت ممكن يحصل قفش
العايقة : قفش ولا تقفيش ؟
الموظف المفتي : لاء القفش حاجة ( و سكت شوية يفكر) و التنفيش حاجة تانية
الأحد، 19 يوليو 2015
اتناشر % أكبر من اربعتاشر % بس انت اللي مش عارف تحسبها
الموظفة اللي من مكتب تاني : و انتوا اشتريتوا شهادات قناة السويس ؟
التابع للفلول : ممعناش فلوس اصلا
الموظفة : يعني لو كان معاكم كنتوا اشتريتوا ؟شايفين انه مشروع كويس ؟
التابع للفلول : آه طبعا
الموظفة : ده فيه ناس اخدوا قروض بفايدة 14% علشان يشتروا الشهادات
التابع للفلول و الموظف المفتي يظهر عليهم الاقتناع بالكلام
...
بعد ما الموظفة مشيت
أبو نضارة : بس فيه حاجة مش منطقية في الكلام ده ما انت لو خدت قرض ب 14% و الفايدة ب 12% فانت كده خسران
التابع للفلول : لاء كسبان لانك هتاخد المبلغ كامل في الآخر
الاشتراك في:
الرسائل (Atom)