September 29, 2014 · Cairo ·
و بعد مديح للسيسي و خطابه في الأمم المتحدة
أم الفلول : ده الراجل بتاع بريطانيا
الفلولي : آه كاميرون
أم الفلول : آه.. عرض علي السيسي الانضمام للاتحاد الاوروبي
الاثنين، 3 أغسطس 2015
الثلاثاء، 28 يوليو 2015
صور لعلياء المهدي و حاطين شريط اسود علي ..
أم الفلول : دول كانوا جايبين ع النت صور لعلياء المهدي علشان هي ضد داعش
الموظفة الصعيدية : آه انا شفتها بس كانوا حاطين شريط أسود
العايقة : علي وشها ؟
الصعيدية : لاء علي .. ( و توحي بملامحها انها تقصد الاماكن الحساسة )
العايقة : طب و يبقي ايه لازمتها علي رأي المثل " عينه في البيعة و يقول يفتح الله "
الجمعة، 24 يوليو 2015
ممكن يحصل تقفيش في المكتب
كان حصل مشكلة في الاوضة التانية للقسم بتاعنا
الموظف الصعيدي : طب انا هاروح هناك اشوف ايه الحكاية
الموظف المفتي : لاء لو رحت انت ممكن يحصل قفش
العايقة : قفش ولا تقفيش ؟
الموظف المفتي : لاء القفش حاجة ( و سكت شوية يفكر) و التنفيش حاجة تانية
الأحد، 19 يوليو 2015
اتناشر % أكبر من اربعتاشر % بس انت اللي مش عارف تحسبها
الموظفة اللي من مكتب تاني : و انتوا اشتريتوا شهادات قناة السويس ؟
التابع للفلول : ممعناش فلوس اصلا
الموظفة : يعني لو كان معاكم كنتوا اشتريتوا ؟شايفين انه مشروع كويس ؟
التابع للفلول : آه طبعا
الموظفة : ده فيه ناس اخدوا قروض بفايدة 14% علشان يشتروا الشهادات
التابع للفلول و الموظف المفتي يظهر عليهم الاقتناع بالكلام
...
بعد ما الموظفة مشيت
أبو نضارة : بس فيه حاجة مش منطقية في الكلام ده ما انت لو خدت قرض ب 14% و الفايدة ب 12% فانت كده خسران
التابع للفلول : لاء كسبان لانك هتاخد المبلغ كامل في الآخر
الاثنين، 15 يونيو 2015
ليسانس حقوق بدرجة جيد جدا مع مرتبة الامتياز
September 12, 2014 · Cairo ·
أم العريف : لاء فعلا تعيينات النيابة دي كان فيها كوسة انا زميل ابني "ليسانس حقوق " كان جايب جيد جدا مع مرتبة الامتياز و ماخدوهوش
في اول الاسبوع اللي فات
التابع للفلول : قطع الكهربا و رجوعها بوظلي التلاجه و قبليها بوظلنا اسانسير العماره
أم العريف ( عايزه تخفف من الموقف ) : روح اعمل محضر لوزارة الكهربا في القسم
..
بعد يومين
أم العريف : اصل العيال عندي مش فاضيين مشغولين بيصلحوا الكمبيوتر الكهربا لما قطعت بوظت كارت الشاشة
الخميس، 11 يونيو 2015
تطور في الحكومة ؟ أعوذ بالله
August 28, 2014 · Cairo ·
مديرة الادارة قررت انها تعمل تغيير في نظام الشغل و التغيير ده هيعمل مشكلة و وقت اكتر في القسم عندنا
موظفة : هي بتقول انها كده بتعمل تطور
أم الفلول : لو عايزين يعملوا تطور فعلا يسهلوا ...يجيبوا اجهزة كمبيوتر
أم العريف :تطور ده يبقي في بنوك أو في وزارة لكن هنا دي حكومة ..الحكومة مينفعهاش تطور
الجمعة، 5 يونيو 2015
ما بلاش نحضر كتب الكتاب في الكنيسة
August 21, 2014 · Cairo ·
عندنا زميلة تانية من القسم بتاعنا بس في مكتب تاني هي عكس العايقة ..قبطية متدينة جدا محافظة جدا في لبسها و كلامها و في الحفاظ علي الشعائر الدينية .. و بمناسبة جواز بنتها فعزمت المكتب علي الفرح و علي حنة بنتها
موظفة : ده الفرح هيكون في كنيسة في الزمالك و الحنه في قاعة في المطرية
أم العيال : آه ما تيجوا نروح القاعة دي قريبة ..انا باقول نروح الحنة بلاش كتب الكتاب
الاشتراك في:
الرسائل (Atom)