الأحد، 25 سبتمبر 2016

أمريكا و بريطانيا وراء هجمات داعش في باريس


الفلولي : ده اوباما طلع و قال لرئيس فرنسا انه يقدر يجيب اللي عملوا العملية في يومين يبقي هو اللي وراها

أم الفلول :الأمريكان و البريطانيين هما اللي ورا العملية دي

الفلولي : آه علشان فرنسا و روسيا معانا ..هما كانوا هيسيبوا الجيش يبقي معاه كل التسليح ده و يسكتوا



مرسلة بواسطة في ليست هناك تعليقات:
التسميات: , ,

الجمعة، 9 سبتمبر 2016

موظف حكومة و بيلعب علي الرق


الموظفة الخائفة من شيء ما : بس وكيل القسم اللي فوق ده شخصية بايخة ..مع انه كان رقاق (بيعزف علي الرق ) ده زميلتنا اللي طلعت معاش قالتلي انه كان ضمن الفرقة اللي جت في فرح ابنها بالصدفة شافته

أبو نضارة : مش ده الفيلم بتاع محمود مرسي؟


يهوى طلعت وكيل الوزارة، العزف على آلة القانون

 فينضم الى سوسو بلابل التي تحيي الأفراح،
ويخفي الأمر عن الجميع، مما يسبب تصرفه هذا
الكثير من المفاجآت لأولاده ولزملائه

مرسلة بواسطة في ليست هناك تعليقات:
التسميات: , , , , , , , , ,

الجمعة، 26 أغسطس 2016

انتوا بتعذبوني علشان بقيت رئيس قسم ولا ايه ؟


النهارده كانوا بيتناقشوا في مشكلة في القسم و ازاي رئيسة القسم بتعاني بسبب مشاكل ناس تانية ف التابع للفلول قال علي لسانها قوليلهم "انتوا بتعذبوني علشان بقيت رئيس قسم ولا ايه ؟ "


>>>
جزء من وصلة دفاع طويلة عن السيسي
أم الفلول : وهو كل ما تحصل حاجة يقولوا حاجة يقولوا السيسي ..واحدة جوزها اتقتل في خناقة تقولك فين السيسي .. و اللي مات في الكويت ..الناس طالعة تقولك فين السيسي ماهي خناقة زي ما 
بتحصل خناقات هنا في مصر ..الخارجية مالها و السيسي ماله ؟

مرسلة بواسطة في ليست هناك تعليقات:
التسميات: , , , , , , , , ,

الاثنين، 15 أغسطس 2016

عايز ابني يتولد يوم خمسة

بعد الكلام عن الاسباب المختلفة لتغيير تاريخ تسجيل ميلاد الاطفال في شهادة الميلاد عن التاريخ الحقيقي زي القبول في المدارس
الفلولي : انا ابني كان مولود في آخر شهر ستة و سجلته في 5 يوليو
موظفة : ليه؟

الفلولي : علشان الحسد أصله علي اسم أخويا اللي مات وهو شاب
مرسلة بواسطة في ليست هناك تعليقات:
التسميات: , ,

الخميس، 4 أغسطس 2016

تعويذة "ساحرة الجنوب"






الموظفة الخائفة من شيء ما : بنتي قالتلي فيه مسلسل اسمه "ساحرة الجنوب" بتقولي متتفرجيش علي آخر 3 حلقات علشان فيهم تعويذة هتؤذي الجن

 لمتابعة صفحة "يوميات مكتب" علي الفيس بوك ..اضغط هنا

مرسلة بواسطة في ليست هناك تعليقات:
التسميات: , , , , , , , ,

الأحد، 24 يوليو 2016

قفلنا شباك المكتب و غطيناه بالجرايد علشان ..


أم العيال : خلوا بالكم يا جماعة الشباك مقفول كويس
العايقة : متقلقيش مانتي حاطة جرنال كمان علشان ميبانش
أم العيال : آه انا باقطع الطماطم اهو و هاخلص
و لاني مكنتش باصص اصلا ..هنا ماقدرتش امسك نفسي و ضحكت جامد
بتضحك علي ايه ؟
- اصل الموظفة اللي صوروها كانت برضه بتقطع طماطم

مرسلة بواسطة في ليست هناك تعليقات:
التسميات:

الثلاثاء، 12 يوليو 2016

الموظفين و مجلس الشعب ..و مغني شعبي في المكتب


الاغلبية الساحقة من الموظفين مش متابعة أو مهتمة بانتخابات مجلس النواب غير بشكل بسيط .. المعظم مش عارف اصلا هو ايه النظام المرة دي و كلهم ميعرفوش حد في المقاعد الفردية لا من حيث العدد ولا الافراد ..الفلولي بس هو اللي مقرر انه هينتخب قايمة الجبهة المصرية علشان فيها أحمد شفيق و لسه ميعرفش هينتخب مين في الفردي ناس كتير مكانتش ناوية تنزل أصلا بس يمكن تنزل خوفا من السلفيين ده وفقا للدعاية التخويفية المعمولة سواء في التليفزيون او علي المواقع و ساعتها هيختاروا أي حد في الفردي ميكونش سلفي و في القوايم غالبا (في حب مصر ) ..البزرميط مقاطع لأنه متعاطف مع الاخوان و التابع للفلول مقتنع انها هتتطبخ و البرلمان هيبقي كله ظباط جيش و لواءات سابقين



الساعي اللي موجود في المكتب من النوع اللي بيحب يدندن و هو ماش في الطرقة و خصوصا الاغاني الشعبية .. كان فيه موظفة طالعة معاش و ناس عاملين احتفال ليها في يوم خروجها ..و بعدين لقينا الساعي بيغني في الطرقة بصوت عالي ..كله ماااشي
مرسلة بواسطة في ليست هناك تعليقات:
التسميات: , , , , , , , ,
الاشتراك في: الرسائل (Atom)

Facebook Comments