السبت، 9 مايو 2015

كنا بنزور الانتخابات أيام الحزب الوطني

الموظفة الصعيدية : جاتلنا واحدة في الانتخابات و قالتلنا عايزة انتخب بس ماحطش صباعي في الحبر الفسفوري علشان جوزي ميعرفش اني انتخبت قولنالها لاء مينفعش
الفلولي :الحركة اللي كنا بنعملها زمان ايام الحزب الوطني بقي كنا نحط جلسرين علي صباعنا قبل ما نخش فالحبر ميلزقش في ايدنا و نصوت تاني

معلومة : خال الموظف الفلولي كان عضو مجلس شعب عن الحزب الوطني
مرسلة بواسطة في ليست هناك تعليقات:
التسميات: , , , ,

الخميس، 7 مايو 2015

لو مش هتنتخب السيسي يبقي يا الدفع يا الحبس

أم العريف : ده ايه المُح ده ؟
العايقة : اسمه ايه ؟

أم العريف : مُح !!
العايقة : اسمه مُحن ..مُحن السيد كُهن مسمعتيهاش دي ؟

أم الفلول (من سكان فيصل ) امبارح : و مشوفتش اي حد من الاحزاب في الشارع الوحيدين اللي شوفتهم بصراحة يعني كانت العربيات بتاعة حزب النور اللي كانت بتدعو الناس علشان ينتخبوا السيسي
المديرة الجديدة : لاء المرة دي في غرامة 500 جنيه و هتتطبق بجد
: ما كل مرة بيقولوا كده و يخوفوا الناس
أم العريف :لاء هتتطبق انا مره غرموا ابو جوزي 100 جنيه جاله استدعاء علي القسم و قالوله يا الدفع يا الحبس ..الكلام ده كان مش قريب كان قبل مبارك



مرسلة بواسطة في ليست هناك تعليقات:
التسميات: , , , , , ,

الثلاثاء، 5 مايو 2015

لو مش هتنزل تنتخب السيسي تبقي شيوعي و اخوان

يوم الانتخابات الرئاسية
May 25, 2014 · Cairo ·
ام العيال :انت سلبي
ام العريف : انت غلط
الصعيدي:انت شيوعي
المديرة الجديدة :انت اخوان
الاخوانية : سيبوه براحته
دي كانت تعليقات الموظفين لما قولتلهم اني مش نازل انتخب في الانتخابات الرئاسية

أم العريف : ابو الفتوح ده استاذ علوم و هو اللي عاملهم خلطة "الكنابل "
الفلولي قال حكمة اليوم " سيبوا الناس تفرح ولو بالكدب "

مرسلة بواسطة في ليست هناك تعليقات:
التسميات: , , , , , , , ,

الأحد، 3 مايو 2015

البلح و الخفاش سبب الاصابة بفيروس كورونا

ام الفلول : الجمعة اللي فاتت اختي كانت في الشارع و بعدين الاخوان ضربوا نار عشوائي فدخلت استخبت جوه محل
ام العريف (59 سنة ) : فكرتيني ساعة احداث الامن المركزي (1986) كنت انا ساعتها في ثانوية عامة
أبو نضارة باستغراب : ثانوية عامة !!
التابع للفلول بصوت مش مسموع لأم العريف : دي كانت ايام النكسة مش الامن المركزي
موظفة : ربنا يستر من كورونا ده مع موسم العمرة و الحج .. جه منين ده بيقولوا من الجمال ؟
التابع للفلول : كورونا ده جه بسبب انه في السعودية الخفاش بينام فوق النخلة و بيتبول علي البلح و هما بياكلوه مش مغسول

مرسلة بواسطة في ليست هناك تعليقات:
التسميات: , , , , , ,

الخميس، 30 أبريل 2015

ابراهيم عيسي معفن و لميس الحديدي حيوانة


معلومات مهمة عن الموظفين
الفلولي وقت الجزء الاول من حوار السيسي مع ابراهيم و لميس كان بيتفرج علي ماتش الزمالك و بني سويف ( بقالي 40 سنة باتفرج ع الزمالك أول مرة يجيب جون في آخر دقيقة "
..
العايقة عندها رنتين للموبايل بتاعها
الاولانية : حط ايده ياه للفنانة بوسي
التانية : أغنية حكيم بتاعة فيلم "حلاوة روح " اللي هي مؤيدة انه يتمنع

شوفتوا حوار السيسي امبارح
العايقة : آه كان حلو بس ولاد الوسخة الاتنين
أم العريف : ابراهيم عيسي ده بيتفذلك و خلاص
الفلولي : و الحيوانة لميس
العايقة : و التاني زفت البرك (جمع بركة ) المعفن (ابراهيم عيسي )

****
مرسلة بواسطة في ليست هناك تعليقات:
التسميات: , , , , , ,

الاثنين، 27 أبريل 2015

عادل امام : احنا معندناش آنسات في الوسط الفني

April 30, 2014 · Cairo · 

الموظف المفتي : أصل انا لما اشتغلت صحفي كان فيه ناس معايا ليهم علاقة بالوسط الفني كانوا بيحكولي علي بلاوي ..ده عادل امام مرة بيسألوه في لقاء عن الآنسة ليلي علوي..قالهم احنا معندناش آنسات
أم العريف : أيوه صح ده انا شوفت نرمين الفقي قالت في حوار أنا غلطت كتير علشان أوصل
 —

مرسلة بواسطة في ليست هناك تعليقات:
التسميات: , , , , , , ,

الجمعة، 24 أبريل 2015

انا أكلت فسيخ يوم الجمعة علشان مخالفة المسيحيين

April 27, 2014 · Cairo · 
- ده كان فيه مظاهرات عند الاتحادية امبارح
العايقة : عايزين يخربوا البلد
أم العريف :اللي وراها صباحي كان فيها بتوع التيار الشعبي
الفلولي : لاء مش صباحي اللي وراها ..اللي وراها جون كيري لما قال تصريح ان 25 ينايردي ثورة شباب مش اخوان ..قاموا نزلوا

April 20, 2014 · Cairo · 
التابع للفلول :انا كلت فسيخ يوم الجمعه علشان اخالفهم (المسيحيين )
الموظف المفتي : بس شم النسيم ده عيد فرعوني
البائع (الازهري ) : ده المسيحيين قالوا شممنا نفسنا يوم وفاة محمد

مرسلة بواسطة في ليست هناك تعليقات:
التسميات: , , , , , ,
الاشتراك في: الرسائل (Atom)

Facebook Comments